Boney Kapoor : ఒక‌ప్ప‌టి అందాల న‌టి, ప‌లు సినిమాల‌లో హీరోయిన్‌గా న‌టించిన అందాల ముద్దుగుమ్మ ప్రియమణి. చూడ చ‌క్క‌ని అందం, ఆక‌ట్టుకునే అభిన‌యంతో క‌ట్టిప‌డేస్తుంది. తెలుగు సినిమాతోనే పరిచయం అయిన ప్రియమణి.. ఆ తర్వాత తమిళం, మలయాళం, కన్నడంలో వరుస సినిమాలు చేసింది. తద్వారా దక్షిణాదిలోని అన్ని ఇండస్ట్రీల్లోనూ హవాను చూపించింది. ఇక, తమిళంలో వచ్చిన ‘పరుత్తివీరన్’ సినిమాకు గానూ ఉత్తమ జాతీయ నటిగా అవార్డును సైతం అందుకుంది. దీంతో ప్రియమణి క్రేజ్ దేశ వ్యాప్తంగా ఏర్పడింది.సౌత్ ఇండియాలో సుదీర్ఘ కాలంగా సత్తా చాటుతోన్న ప్రియమణి.. ఈ మధ్య కాలంలో బాలీవుడ్‌లోనూ త‌న న‌ట‌న‌తో అద‌ర‌గొడుతుంది.
అయితే ప్రియమణి ఇటీవలి కాలంలో ‘ఆర్టికల్ 370’ అనే చిత్రం వంద కోట్లు కొల్లగొట్టింది. అలాగే, ‘భామాకలాపం’ అనే వెబ్ సిరీస్‌కు సీక్వెల్‌లో కూడా న‌టించి మెప్పించింది. జ‌వాన్ అనే చిత్రంతోను మెప్పించింది. అయితే ప్ర‌స్తుతం తమిళంలో ‘క్వటేషన్ గ్యాంగ్’, కన్నడంలో ‘ఖైమారా’ అనే సినిమాలతో ఫుల్ బిజీగా గడుపుతోంది. ఈ క్రమంలోనే హిందీలో ‘మైదాన్’ అనే భారీ మూవీలో భాగం అయింది. ఇందులో అజయ్ దేవగణ్ హీరోగా నటించాడు. ఈ ఉగాదికే ఈ సినిమా ప్రేక్షకుల ముందుకు వచ్చి మంచి టాక్ ద‌క్కించుకుంది. రీసెంట్ గా బాలీవుడ్ సెలబ్రిటీల కోసం ‘మైదాన్’ స్క్రీనింగ్ చేశారు. ఆ సమయంలో స్క్రీనింగ్ థియేటర్ వెలుపల బోనీకపూర్ అతిథులతో మాట్లాడుతూ ఉన్నారు.
అదే సమయంలో ప్రియమణి వచ్చింది. చీరలో ఆమె చాలా అందంగా కనిపించింది. ఆమెకు బోనీకపూర్ స్వాగతం పలికారు. ఈ సందర్భంగా ఫొటోలకు పోజులివ్వాలని ఫొటోగ్రాఫర్లు అడగగా… ఇద్దరూ పోజులిచ్చారు. అయితే ప్రియమణి భుజం, నడుముపై చేతులు వేసి బోనీ పోజులిచ్చారు. ప్రియమణి నడుముపై చేయి వేయడం చాలా మంది నెటిజన్లకు నచ్చలేదు. ఆమెను అసభ్యంగా తాకారంటూ ఏకిపారేస్తున్నారు. ఇద్దరు కూతుళ్లున్న వ్యక్తి ఒక మహిళతో ఇలా నీచంగా ఎలా ప్రవర్తిస్తారని ఒక నెటిజన్ ప్రశ్నించాడు. ఇది సిగ్గుపడాల్సిన విషయం అని మరొకరు వ్యాఖ్యానించారు. సిగ్గులేని మొరటు వృద్ధుడు అని మరొకరు విమర్శించారు. బాలీవుడ్‌లో ఇదంతా కామ‌న్ అంటూ కొంద‌రు కొట్టిప‌డేస్తున్నారు.
