Bimbisara : కళ్యాణ్ రామ్ కెరీర్‌కి మంచి బూస్ట‌ప్ ఇచ్చిన చిత్రం బింబిసార. మల్లాడి వశిష్ఠ దర్శకత్వం వహింంచిన ఈ సినిమా ఎలాంటి అంచనాల్లేకుండా ఆగస్టు 5న విడులై సంచలన విజయం సాధించింది. రిలీజైన ఫస్ట్ వీక్‌లోనే ఈ చిత్రం బ్రేక్‌ ఈవెన్ పూర్తి చేసుకోగా, కళ్యాణ్ రామ్ కెరీర్‌లోనే హైయెస్ట్‌ కలెక్షన్‌లను సాధించిన చిత్రంగా ‘బింబిసార’ నిలిచింది. ఈ చిత్రంలో కళ్యాణ్ రామ్ నటనకు గొప్ప ప్రశంసలు దక్క‌గా, డ్యూయల్‌ రోల్‌లో కళ్యాణ్‌రామ్‌ అద్భుతంగా నటించి విమ‌ర్శ‌కుల ప్రశంసలు అందుకున్నాడు.
ఈ చిత్రం ఇటీవలే ఓటీటీలోకి వచ్చిన విషయం తెలిసిందే. అయితే ఓటీటీలోనూ ఈ చిత్రం దూసుకుపోతుంది. అక్టోబర్ 21నుండి ప్రముఖ ఓటీటీ సంస్థ జీ-5లో స్ట్రీమింగ్‌ అవుతున్న ఈ చిత్రం డిజిటల్‌లోనూ ఘన విజయం సాధించింది. ఫాంటసీ నేపథ్యంలో తెరకెక్కిన ఈ మూవీలో కళ్యాణ్‌రామ్‌కు జోడీగా కేథరీన్‌ ట్రెసా, సంయుక్త మీనన్ హీరోయిన్‌లుగా నటించారు. ఎన్టీఆర్‌ ఆర్స్ట్ పతాకంపై కళ్యాణ్ రామ్ స్వీయ నిర్మాణంలో ఈ చిత్రాన్ని తెరకెక్కించాడు. ప్రస్తుతం ‘బింబిసార-2’ స్క్రిప్ట్‌ పనులు జరుగుతుండ‌గా, అన్ని కుదిరితే వచ్చే ఏడాది ప్రారంభంలో ఈ మూవీ సీక్వెల్‌ పట్టాలెక్కే అవకాశం ఉంది.
అయితే ఈ సినిమా క‌థ‌ను మొద‌ట ర‌వితేజ‌కు వినిపించ‌గా ఆయ‌న రిజెక్ట్ చేశార‌ట. అస‌లు ఈ సినిమా ను మొద‌ట బాల‌య్య‌తో చేయాలని కూడా ద‌ర్శ‌కుడు అనుకున్నాడ‌ట. అయితే ఫస్ట్ హాఫ్ లో హీరో క్రూర‌త్వం ప్ర‌ద‌ర్శిస్తాడు. అలాంటి పాత్ర చేస్తే బాల‌య్య ఇమేజ్ కు సెట్ అవ‌తుందో లేదో అని కూడా ఆలోచించార‌ట. హీరోగా, విల‌న్‌గా న‌టిస్తే బాల‌య్య ఇమేజ్ డ్యామేజ్ అవుతుంద‌ని భావించిన మేక‌ర్స్ కళ్యాణ్ రామ్ కి క‌థ చెప్ప‌డం ఆయ‌న ఓకే చేయ‌డం సినిమా హిట్ అవ్వ‌డం వెంట‌వెంట‌నే జ‌రిగిపోయాయి.
