Bigg Boss Telugu 6 : బుల్లితెర ప్రేక్ష‌కుల‌కి మంచి వినోదం పంచుతున్న రియాలిటీ షో బిగ్ బాస్. ఈ కార్య‌క్ర‌మం తెలుగులో నాన్‌స్టాప్‌గా దూసుకుపోతుంది. ఇప్ప‌టికే ఐదు సీజ‌న్స్‌తోపాటు ఒక నాన్‌స్టాప్ షో కూడా జ‌రుపుకుంది. వీట‌న్నింటికి మంచి ఆద‌ర‌ణ ల‌భించ‌డంతో తాజాగా ఆరో సీజ‌న్ కూడా మొద‌లు పెట్టారు. ఆరో సీజ‌న్ గ్రాండ్‌గా మొద‌లు కాగా, ఇందులో మొత్తం 21 మంది కంటెస్టెంట్స్ హౌజ్‌లోకి అడుగుపెట్టారు. ఇక వీరు చేసే ర‌చ్చ పీక్స్‌లో ఉంటుంద‌ని తెలుస్తుంది. వంద రోజుల పాటు వీరు బిగ్ బాస్‌లో తెగ సంద‌డి చేయ‌బోతున్నారు.
ఇక కంటెస్టెంట్స్ విష‌యానికి వ‌స్తే.. తొలి కంటెస్టెంట్గా కార్తీకదీపం, మనసిచ్చి చూడు ఫేమ్ కీర్తి భట్ బిగ్ బాస్ హౌజ్‌లోకి అడుగుపెట్టింది. రెండో కంటెస్టెంట్గా నువ్వునాకు నచ్చావు ఫేమ్ పింకీ అలియాస్ సుదీప, మూడో కంటెస్టెంట్గా సిరి ప్రియుడు శ్రీహాన్.. నాలుగో కంటెస్టెంట్గా యాంకర్ నేహా చౌదరి.. ఐదో కంటెస్టెంట్గా జబర్దస్త్ చలాకీ చంటి, ఆరో కంటెస్టెంట్గా సీరియల్ నటి శ్రీ సత్య.. ఏడో కంటెస్టెంట్గా హీరో అర్జున్ కళ్యాణ్.. ఎనిమిదో కంటెస్టెంట్గా గీతూ రాయల్ అలియాస్ గలాటా గీతు.. తొమ్మిదో కంటెస్టెంట్గా అభినయ శ్రీ ఎంట్రీ ఇచ్చారు.
ఈ సారి రియ‌ల్ లైఫ్ క‌పుల్ కూడా బిగ్ బాస్ హౌజ్‌లో సండి చేయ‌బోతున్నారు. పది, 11వ కంటెస్టెంట్స్ గా రోహిత్- మెరీనా జంట బ్యూటిఫుల్ సాంగ్ పెర్ఫామెన్స్‌తో ఎంట్రీ ఇచ్చారు. వ‌రుణ్‌, వితికా మాదిరిగా వీరు కూడా సంద‌డి చేయ‌బోతున్న‌ట్టు తెలుస్తుంది. 12వ కంటెస్టెంట్గా నటుడు బాలాదిత్య.. 13వ కంటెస్టెంట్గా బ్యూటిఫుల్ లేడీ వాసంతి కృష్ణన్, 14వ కంటెస్టెంట్గా క్యారెక్టర్ ఆర్టిస్ట్ షానీ అలియాస్ సాల్మన్.. 15వ కంటెస్టెంట్గా ఆర్జీవీ హీరోయిన్ ఇనయ సుల్తాన..16వ కంటెస్టెంట్గా ఆర్జే సూర్య ..17వ కంటెస్టెంట్గా జబర్దస్త్ ఫైమా..18వ కంటెస్టెంట్గా యూట్యూబర్ ఆదిరెడ్డి ,19వ కంటెస్టెంట్గా మోడల్ రాజశేఖర్, 20వ కంటెస్టెంట్గా టీవీ 9 యాంకర్ ఆరోహి రావ్ అలియాస్ ఇస్మార్ట్ అంజలి, 21వ కంటెస్టెంట్ గా సింగర్ రేవంత్ బిగ్ బాస్ హౌస్‌లోకి ఎంట్రీ ఇచ్చారు. వీరు ఏ రేంజ్‌లో ఎంట‌ర్‌టైన్ మెంట్‌ అందించ‌నున్నారో అని ప్ర‌తి ఒక్క‌రూ ఎంతో ఆస‌క్తిగా ఎదురు చూస్తున్నారు.
