Bhanu Priya Meena : ఢిల్లీ లిక్కర్ పాలసీ కేసులో ఈడీ కస్టడీ కొనసాగుతుండగానే ఎమ్మెల్సీ కవిత.. తన అరెస్ట్‌పై ఇవాళ సుప్రీంకోర్ట్‌లో పిటిషన్ దాఖలు చేయడం ఆసక్తికరంగా మారింది. కాగా.. కవిత రిట్ పిటిషన్ పై అత్యున్నత న్యాయస్థానం తీసుకునే నిర్ణయం ఎలా ఉండనుందనేది ఆసక్తికరంగా మారింది. లిక్కర్ కేసులో తనను అక్రమంగా అరెస్ట్ చేశారని.. ఈ కేసులో తన ప్రమేయం ఉన్నట్లు ఆధారాలు లేవoటూ కవిత పిటిషన్ లో పేర్కొన్నారు. ప్రతివాదిగా ఈడీ అసిస్టెంట్ డైరెక్టర్ చేర్చారు. ఇదిలాఉంటే.. మరోవైపు కవిత భర్త అనిల్‌ను విచారించేందుకు సిద్ధమైంది ఈడీ. ప్రధానంగా మనీలాండరింగ్‌పై ప్రశ్నాస్త్రాలు సిద్ధం చేసుకున్నట్టు తెలుస్తోంది.
అయితే బీఆర్ఎస్ ఎమ్మెల్సీ కవితను అరెస్ట్ చేయడంపై మాజీ మంత్రి, ఆ పార్టీ వర్కింగ్ ప్రెసిడెంట్ కేటీఆర్ ఈడీ అధికారురి భానుప్రియ మీనా తదితరులతో వాగ్వాదానికి దిగారు. వారిపై ఆయన ఆగ్రహం వ్యక్తం చేశారు. కవితను అరెస్ట్ చేశారనే విషయం తెలిసిన కేటీఆర్, హరీశ్ రావు ఆమె నివాసానికి చేరుకున్నారు. విచారణ ముగిసిన అనంతరం కవిత ఇంట్లోకి వెళ్లిన కేటీఆర్… ఈడీ అధికారులపై ఆగ్రహం వ్యక్తం చేశారు. ఇందుకు సంబంధించి వీడియో వెలుగు చూసింది. సోదాలు పూర్తయ్యాయని, అరెస్ట్ వారెంట్ ఇచ్చామని ఈడీ అధికారి భానుప్రియ మీనా చెబుతున్నారని, అలాగే అరెస్ట్ వారెంట్ ఇచ్చామని ఆమె చెబుతున్నారని పేర్కొన్నారు.
ఇప్పుడు ఈడీ ఆఫీస‌ర్ భానుప్రియ ఎవ‌రు అనే దానిపై ఆస‌క్తిక‌ర చ‌ర్చ న‌డుస్తుంది. 2005 రెవిన్యూ డిపార్ట్‌మెంట్ క్యాడ‌ర్‌కి చెందిన ఆమె స్వ‌స్థ‌లం రాజ‌స్థాన్. ఆమె తండ్రి ప‌లుమార్లు ట్రాన్స‌ఫ‌ర్ అవుతున్న కార‌ణంగా చాల చోట్ల చ‌దువుకున్నారు ఆమె. అయితే హయ్య‌ర్ ఎడ్యుకేష‌న్ మాత్రం ఢిల్లీలో చేసింది. తండ్రి, అక్క‌ని చూస్తూ పెరిగిన భానుప్రియ సివిల్స్‌కి వెళ్లాల‌ని అనుకున్నారు. అనుకున్న‌ట్టుగానే 2005లో కొట్టింది. మొద‌ట ప్రాక్టీస్ డిపార్ట్‌మెంట్‌లో చేసి ఆ త‌ర్వాత ఈడికి షిప్ట్ అయ్యారు. ప్ర‌స్తుతం ఎన్‌ఫోర్స్ డిపార్ట్‌మెంట్‌లో ప‌ని చేస్తున్నారు.
