Barrelakka : బర్రెలక్క.. అలియాస్ శిరీష. ప్రస్తుతం తెలంగాణ ఎన్నికల సందర్భంగా సోషల్ మీడియాలో చక్కర్లు కొడుతున్న పేరు. 25 ఏళ్ల అతి చిన్న వయసులోనే పొలిటికల్ ఎంట్రీ ఇవ్వ‌బోతుండ‌గా, ఆమె కొల్లాపూర్ నియోజకవర్గం నుంచి స్వతంత్ర అభ్యర్థిగా బరిలోకి దిగుతోన్న బర్రెలక్కకు పోలింగ్ సమయం దగ్గరపడుతున్న కొద్దీ విపరీతమైన మద్దతు లభిస్తోంది. సోషల్ మీడియా ఓపెన్ చేస్తే చాలు బర్రెలక్క వీడియో ట్రెండింగ్‌లో ఉంటోంది. ఇదే సమయంలో తెలంగాణ ఎన్నికలు రావడంతో తానే ఎమ్మెల్యేగా ఎందుకు పోటీచేయకూడదని ఆలోచించింది.
తెలంగాణ నిరుద్యోగులు పడుతున్న కష్టాలను ఆమె తన ప్రచారాస్త్రాలుగా మలుచుకుంది. నిరుద్యోగ యువత నుంచే కాక పలు గ్రామాల్లో బర్రెలక్కకు పూర్తి మద్దతు లభిస్తోంది. ఈ క్రమంలోనే బర్రెలక్కకు భారీ ఆఫర్లే ఇతర రాజకీయ నాయకుల నుంచి వచ్చాయి. కానీ వాటికి తలొగ్గకుండా ఆమె లక్ష్యం వైపు వెళుతున్నారు. అయితే ప్రస్తుతం కేసీఆర్, బర్రెలక్క మ‌ధ్య ఇన్‌డైరెక్ట్ పోరు న‌డుస్తుంది. కేసీఆర్ ఇటీవ‌ల నిర్వ‌హించిన స‌భ‌లో ఎవ‌రిని ఈజీగా న‌మ్మ‌వ‌ద్ద‌ని , నిజాయితీ వ్య‌క్తుల‌కి ఓటు వేస్తే మీకు రేప‌టి రోజు ఏదైన మంచి జ‌ర‌గుతుంద‌ని చెప్పుకొచ్చింది. బ‌ర్రెల‌క్క‌పై ఇన్‌డైరెక్ట్‌గా కేసీఆర్ చేసిన విమ‌ర్శ‌ల‌కి కొంత మంది నెగెటివ్ విమ‌ర్శ‌లు చేస్తున్నారు.
కేసీఆర్ వ‌ర్సెస్ బర్రెలక్క మ‌ధ్య పోటీగా అంద‌రు చూస్తున్నార‌ని తెలుస్తుంది. అయితే బర్రెలక్క వ‌ల‌న తమ ఓటు బ్యాంకుకు ఎక్కడ చిల్లు పడుతుందో అని భావించిన ప్రత్యర్థులు ఆమెపై, ఆమె అనుచరులపై దాడి కూడా చేశారు. దీంతో హైకోర్టు జోక్యం చేసుకుని బర్రెలక్కకు భద్రత కల్పించాలని ఆదేశాలు జారీ చేసింది. ఇక బర్రెలక్క ప్రచారంలో దూసుకెళుతోంది. ప్రస్తుతం ఓ వీడియో సోషల్ మీడియాను షేక్ చేస్తోంది. బర్రెలక్క ప్రచారంలో ఓపాటకు అవ్వ తాతలు డాన్స్ చేస్తుంటే గూస్ బంప్స్ వస్తున్నాయి. బర్రెలక్క ఈ ఎన్నికల్లో కచ్చితంగా విజయం సాధిస్తుందని పలువురు ఆమెను దీవిస్తున్నారు.
