Bangaram: ప‌వర్ స్టార్ పవన్ క‌ళ్యాణ్ న‌టించిన బంగారం చిత్రం ప్రేక్ష‌కుల‌ని పెద్దగా అల‌రించ‌లేక‌పోయిందనే సంగ‌తి మ‌నంద‌రికి తెలిసిందే. ఆ సినిమాలో హీరోయిన్ చెల్లి పాత్రకు అత్యంత ప్రాముఖ్యత ఉంటుంది. క్లైమాక్స్ లో హీరోయిన్ చెల్లి పై కీలక సన్నివేశాలు తెర‌కెక్కించారు. ఆ సన్నివేశాల్లో చక్కగా నటించి మెప్పించిన ఆ అమ్మాయి పేరు శనూష. ఇప్పటికి బంగారం సినిమా పేరు చెప్పగానే ఆ అమ్మాయి గుర్తుకు వస్తుంది. బంగారం మూవీలో వింధ్యారెడ్డి పాత్రలో నటించింది శనూష. మలయాళంకు చెందిన.. ఆమె అక్కడ పలు చిత్రాల్లో బాలనటిగా నటిచింది. మలయాళంలో బాలనటిగా రెండు రాష్ట్ర స్థాయి అవార్డులను కూడా గెలుచుకుంది.
బంగారం సినిమాతోనే తెలుగులోకి ఎంట్రీ ఇచ్చిన శనూష.. ఆ సినిమా చేస స‌మ‌యానికి ఆమె వ‌య‌స్సు కేవలం 10 ఏళ్లే. ఈ సినిమాలో పవన్ ను ఆటపట్టిస్తూ అందరిని ఆకట్టుకుంది. తెలుగులో బంగారం సినిమాతో ప్రేక్షకులను అలరించి ఈ అమ్మాయి.. ఆ తర్వాత ఐదేళ్లకు జీనియస్ అనే సినిమాతో హీరోయిన్‌గా తెలుగు వారిని పలకరించింది.ఆ సినిమా పెద్దగా ఆడ‌క‌పోవ‌డంతో తెలుగులో పెద్దగా అవకాశాలు రాలేదు. శనూష తమిళ్ రీమేక్ చిత్రం రేణిగుంట మూవీలో కీలకపాత్రలో నటించింది. 2019లో నాచురల్ స్టార్ నాని హీరోగా వచ్చిన చిత్రం జెర్సీలో జర్నలిస్టు పాత్ర చేసింది. ఆ సినిమాలో ఈ అమ్మడి పాత్ర చిన్నదే అయినా.. మంచి గుర్తింపు తెచ్చుకుంది.
తెలుగులో బాల నటిగా చేసిన వారిని మళ్లీ హీరోయిన్ గా ఆధరించేందుకు తెలుగు ప్రేక్షకులు ఆసక్తి చూపించరు. శనూష విషయంలో కూడా అదే జరిగింది. తమిళం మరియు మలయాళంలో హీరోయిన్ గా నటిస్తూ కెరీర్ లో ముందుకు సాగుతున్న శనూష తెలుగు లో మాత్రం హీరోయిన్ గా ఆఫర్లు దక్కించుకోవడంలో మాత్రం విఫలం అవుతోంది. ఈ మ‌ధ్య తెలుగు లో మళ్లీ ఆమె కనిపించలేదు. ప్రస్తుతం తమిళం మరియు మలయాళంలో అడపాదడపా సినిమాలు చేస్తూ కెరీర్ లో ముందుకు సాగుతుంది. తెలుగు లో ఆఫర్లు వస్తే తప్పకుండా నటిస్తానంటూ చెప్పుకొస్తుంది ఈ ముద్దుగుమ్మ.. చిన్న తనం నుంచే ఎంతో క్యూట్‌గా ఉంది శనూష. ప్రస్తుతం ఆ అమ్మాయి ఫోటోలు నెట్టింట వైరల్‌గా మారాయి.
View this post on Instagram
