Bandla Ganesh : న‌టుడు, నిర్మాత‌గా తెలుగు సినీ ప‌రిశ్ర‌మ‌లో త‌న‌కంటూ ప్ర‌త్యేక గుర్తింపు తెచ్చుకున్నారు బండ్ల గణేష్. అప్పుడ‌ప్పుడు ఆయ‌న చేసే పలు వ్యాఖ్య‌లు వివాదాస్ప‌దంగా మారుతుంటాయి. ఇటీవ‌ల పూరీ జ‌గ‌న్నాథ్‌, త్రివిక్ర‌మ్‌ల‌పై పలు కామెంట్స్ చేసిన బండ్ల గణేష్ తాజాగా ప్ర‌భాస్‌పై ఆస‌క్తిక‌ర కామెంట్స్ చేశాడు. ఆదిపురుష్ పోస్టర్ పోస్ట్ చేసిన బండ్ల గణేష్.. కళ్ళల్లో రాజసం మీసంలో పౌరుషం అచ్చం శ్రీ రామచంద్ర మహాప్రభు లాగా ఉన్న ప్రభాస్.. అంటూ కామెంట్ చేశారు. బండ్ల గణేష్ కామెంట్ ప్రభాస్ ఫ్యాన్స్ ని ఫిదా చేస్తుంది.
అయితే బండ్ల గణేష్ కామెంట్స్ ప్రభాస్ ఫ్యాన్స్‌కి నచ్చినా, యాంటీ ఫ్యాన్స్ మాత్రం ఏకి పారేస్తున్నారు. టీజర్ వీడియో గేమ్‌లా ఉంద‌ని, ఇందులో ప‌స‌లేక‌పోగా, నీకు ఎలా న‌చ్చిందంటూ ట్రోల్స్ చేస్తున్నారు. ఆదిపురుష్ చిత్రం సంక్రాంతి కానుకగా.. వచ్చే ఏడాది జనవరి 12న ప్రపంచవ్యాప్తంగా త్రీడీలో విడుదల కానుంది. హిందీ, తెలుగు, తమిళ, కన్నడ, మళ‌యాళ భాషలతోపాటు పలు అంతర్జాతీయ భాషల్లో సినిమా విడుదలకు సన్నాహాలు జరుగుతున్నాయి. ఆదిపురుష్ కు ముందు, ఆదిపురుష్ తర్వాత అనేలా.. జనవరి 12న దేశవ్యాప్తంగా శ్రీరామ నామ జపం వినిపించేలా సినిమాను విడుదల చేయడానికి ఏర్పాట్లు చేస్తున్నట్లు ప్ర‌చారం జ‌రుగుతుంది.
టీజర్ లలో డైలాగులు.. భూమి కృంగినా.. నింగి చీలినా.. న్యాయం చేతిలోనే అన్యాయానికి సర్వనాశనం అంటూ ప్రభాస్ వాయిస్‌తో స్టార్ట్ చేశారు. న్యాయం చేతుల్లోనే అన్యాయానికి సర్వనాశనం.. వస్తున్నా.. న్యాయం రెండు పాదాలతో నీ పది తలల అన్యాయాన్ని అణిచి వేయడానికి.. ఆగమనం.. అధర్మ విధ్వంసం.. అనే డైలాగ్స్ అదిరిపోయాయి. కానీ ప్రభాస్, సైఫ్ ఆలీఖాన్‌ , కృతి స‌న‌న్ వంటి భారీ తారాగ‌ణాన్ని పెట్టుకుని లైవ్ యానిమేటెడ్ మోష‌న్ క్యాప్చ‌ర్ టెక్నాల‌జీతో ఆది పురుష్ సినిమాను తెర‌కెక్కించ‌టం ప్రేక్ష‌కుల‌కే కాదు.. ప్రభాస్ అభిమానులకు సైతం ఇబ్బందిగానే మారింది.
