Bandla Ganesh : న‌టుడు, నిర్మాత‌గా తెలుగు ప్రేక్ష‌కుల‌కి చాలా ద‌గ్గ‌రైన బండ్ల గణేష్ ఎప్ప‌టిక‌ప్పుడు ఆసక్తిక‌ర కామెంట్స్ చేస్తూ వార్త‌ల‌లో నిలుస్తూ ఉంటాడు. తాజాగా ఆయ‌న తిరుమల శ్రీవారిని దర్శించుకున్నారు. నైవేధ్య విరామ సమయంలో బండ్ల గణేష్ మిత్రులతో కలిసి స్వామివారికి మొక్కులు చెల్లించుకున్నారు. దర్శన అనంతరం బండ్ల గణేష్‌కు వేద పండితులు ఆలయ అధికారులు పట్టు వస్త్రంతో సత్కరించి స్వామి వారి తీర్ధ ప్రసాదాలు అందజేశారు. అయితే ల‌లిత జ్యువెల‌రీ ఓన‌ర్ కిర‌ణ్ కుమార్‌తో కలిసి ఆయ‌న శ్రీవారిని ద‌ర్శించుకున్న‌ట్టు తెలియ‌జేశారు. ఆయ‌న‌తో కలిసి స్వామి వారిని ద‌ర్శించుకోవ‌డం చాలా సంతోషంగా ఉంద‌ని ఆయ‌న పేర్కొన్నారు.
ఇక కిర‌ణ్ కుమార్ స్వామి వారికి కోటి 50 ల‌క్ష‌లు స‌మ‌ర్పించారు. తెలుగు రాష్ట్రాల ప్ర‌జ‌లంద‌రు సంతోషంగా ఉండాల‌ని ఆయ‌న కోరుకున్నార‌ని బండ్ల గణేష్ అన్నారు. అయితే బండ్ల గణేష్ మీడియాతో మాట్లాడుతున్న సమయంలో కిర‌ణ్ కుమార్ వెళుతున్నా కూడా ఆయ‌న‌ని పిలిచి మ‌రి మీడియాతో మాట్లాడాడు. ప్రస్తుతం ఇందుకు సంబంధించిన వీడియో నెట్టింట వైర‌ల్‌గా మారింది. ఇక బండ్ల గణేష్ చర్యలు ఓ పట్టాన అర్థం కావు. ఒక సారి సినిమాలే తన జీవితం అంటాడు.. ఇంకోసారి రాజకీయాల్లోకి వస్తాను అని అంటాడు.. ఆల్రెడీ రాజకీయాలతో దెబ్బ తిని ఉన్నాను.. వాటికి జోలికి మళ్లీ వెళ్లను అంటాడు.. కేసీఆర్‌ను పొగుడుతాడు.. కాంగ్రెస్ గురించి గొప్పగా చెబుతాడు.. పవన్ కళ్యాణ్‌ను కీర్తిస్తుంటాడు.. ఇలా పలు రకాలుగా తనలోని కోణాలను చూపిస్తుంటాడు బండ్ల గణేష్.
బండ్ల గణేష్ ప్రస్తుతం ఓ పెద్ద సినిమాను చేయాలని చూస్తున్నాడు. కానీ సరైన కాంబో దొరకడం లేదనిపిస్తుంది. ఆ మధ్య పవన్ కళ్యాణ్‌తో సినిమా తీయాలని చూశాడు. కానీ త్రివిక్రమ్ అడ్డు పడ్డట్టుగా ఉంది. అందుకే త్రివిక్రమ్ మీద అగ్గిమీదగుగ్గిలంలా ఫైర్ అవుతుంటాడు బండ్ల గణేష్. గురూజీ అంటూ ఎప్పుడూ ట్రోల్ చేస్తుంటాడు. ఇటు రాజ‌కీయాల‌కి, అటు సినిమాల‌కి దూరంగా ఉంటున్నాడు బండ్ల‌గ‌ణేష్‌.
