Ram Pothineni : ఎన‌ర్జిటిక్ హీరో రామ్ న‌టించిన తాజా చిత్రం స్కంద . రామ్, శ్రీలీల, సాయీ మంజ్రేకర్‌ హీరోహీరోయిన్లుగా బోయపాటి శ్రీను దర్శకత్వం వహించిన `స్కంద` చిత్రాన్ని శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి నిర్మించారు. నేడు ఈ చిత్రం ప్రీ రిలీజ్ ఈవెంట్ హైదరాబాద్‌లో శిల్పకళా వేదికలో జరిగింది. సినిమా సెప్టెంబర్‌ 15న రిలీజ్ కానుంది.ఈ క్ర‌మంలో చిత్ర ప్రీ రిలీజ్ ఈవెంట్ నిర్వ‌హించారు. కార్యక్ర‌మానికి బాలయ్య ముఖ్య అతిథిగా హాజ‌రై సంద‌డి చేశారు. రామ్ మాట్లాడుతూ, బాలయ్యని ఆకాశానికి ఎత్తేశాడు. అవార్డులు, రివార్డులు కాదు, ఇలాంటి క్రేజ్‌ ఉండాలన్నారు. బాలయ్య పాత తరం, ఇప్పటితరం, కొత్తతరం వాళ్లతో కూడా డాన్సులు వేయిస్తాడని, వాళ్లు కూడా జై బాలయ్య అనేలా చేస్తాడని, మూడు తరాలను అలరించే ఏకైక హీరో బాలయ్య అని తెలిపారు రామ్.
పెద్దవాళ్లని, యూత్‌ని, అమ్మాయిలను, అబ్బాయిలను, మాస్, క్లాస్ తేడా లేకుండా అందరు జై బాలయ్య అంటున్నారని, షూటింగ్‌లు పూర్తయ్యాక కూడా చివర్లో జై బాలయ్య అంటున్నారని రామ్ చెప్పుకొచ్చాడు. ఇక ఈవెంట్ లో రామ్‌కి బాలయ్య వార్నింగ్ ఇవ్వడం గమనార్హం. వినకూడనివి వింటే మామూలుగా ఉండదంటూ హెచ్చరించారు. కొన్ని వినిపిస్తున్నాయంటూ తనదైన స్టయిల్‌లో వార్నింగ్ ఇచ్చే ప్రయత్నం చేశాడు బాలయ్య. దీంతో అటు రామ్, ఇటు బాలయ్య మధ్య స్టేజ్‌పై కాసేపు సరదా సంఘటనలు చోటు చేసుకున్నాయి. ఇక రామ్.. నా లక్కూ మీరే, నా కిక్కూ మీరే` అని చెప్పడంతో ప్రాంగణం హోరెత్తిపోయింది.
ఇక బాలకృష్ణ మాట్లాడుతూ, రామ్‌గురించి చెబుతూ తమ్ముడు రామ్ అంటూ సంభోదించారు. `మా తిక్కకి లెక్కలేని మహాతిక్క.. రామ్ పోతినేని. ఆయన పీహెచ్‌డీ చేస్తుంటే, నేను డిగ్రీ చేస్తున్నా, ఆయన్ని నేను ఫాలో అవుతున్నా, మళ్లీ ఆయన నన్ను ఫాలో అవుతున్నాడు` అంటూ క్రేజీగా మాట్లాడారు బాలయ్య… తెలంగాణ యాస, భాషలో ‘ఇస్మార్ట్ శంకర్’ తీసి నాకూ సవాల్ విసిరారు. నేను `భగవంత్ కేసరి`తో తెలంగాణలో దిగుతున్నాను. ఇప్పుడు ‘ఇస్మార్ట్ శంకర్2’లో మళ్లీ రాబోతుండటం సంతోషం. ఈ విషయంలో ఆయనది పీహెచ్‌డీ అయిపోయింది. నేనింకా డిగ్రీనే చేస్తున్నారు. ఆయన్ని నేను ఫాలో అవుతున్నా. `ఇస్మార్ట్ శంకర్2`తో మళ్లీ ఆయన నన్ను ఫాలో అవుతున్నాడ`ని తెలిపారు బాలయ్య. అందుకు రామ్ స్పందిస్తూ `నేను చదివే స్కూల్‌లో మీరే హెడ్‌ మాస్టర్` అని చెప్పగా, బాలయ్య ఆనందంతో ఉప్పొంగిపోయారు.
