Balakrishna : నంద‌మూరి బాలకృష్ణ ఇటీవ‌ల సినిమాల‌తో పాటు ఓటీటీ వేదిక‌గా ప్ర‌సారం అవుతున్న అన్స్టాపబుల్ షోతో అలరిస్తున్న విష‌యం తెలిసిందే. అన్‌స్టాపుబ‌ల్ షో తొలి సీజ‌న్ కి మంచి రెస్పాన్స్ రాగా,ఇటీవ‌ల సెకండ్ సీజ‌న్ ప్రారంభం అయింది. తొలి గెస్ట్‌గా చంద్రబాబు నాయుడు హాజ‌రయ్యారు. చంద్రబాబుపై చిత్రీకరించిన ఎపిసోడ్ పట్ల వైసీపీ నేతలు తీవ్రస్థాయిలో విమర్శనాస్త్రాలు సంధిస్తున్నారు. తెలుగు అకాడమీ చైర్ పర్సన్ లక్ష్మీపార్వతి కూడా దీనిపై స్పందించారు.తమ తప్పులను కప్పిపుచ్చుకోవడానికే చంద్రబాబు, బాలకృష్ణ ఈ షోను ఎంచుకున్నారని ఆరోపించారు.
అయితే ఈ షో ద్వారా బాల‌య్య‌లోని కొత్త యాంగిల్ బ‌య‌ట‌ప‌డింది. అత‌ని చిలిపిత‌నం చూసి ప్ర‌తి ఒక్క‌రు ఆశ్చ‌ర్య‌పోయారు. మొన్న‌టి వ‌ర‌కు బాలయ్య అంటే చాలా కోపోద్రిక్తుడ‌ని త‌న‌ని విసిగించిన వారికి షాకింగ్ ట్రీట్‌మెంట్ ఇస్తాడ‌ని అనుకున్నారు. కాని అన్స్టాపబుల్ షోలో బాలయ్య చేసే సంద‌డి చూసి అంద‌రు ఆశ్చ‌ర్య‌పోయారు. అత‌డిది నిజంగా చిన్న పిల్లాడి మ‌న‌స్త‌త్వ‌మే అని కొంద‌రు రివ్యూలు ఇస్తున్నారు. అయితే కోపదాటి మ‌నిషిగా పేరు తెచ్చుకున్న బాలయ్య కోపాన్ని తగ్గించుకోవడానికి ఐదు చిట్కాలు చెప్పారు. అవి పాటిస్తే కోపం త‌గ్గడం ఖాయ‌మ‌ట.
కోపాన్ని తగ్గించుకోవడానికి బాలయ్య ఐదు టిప్స్ చెప్ప‌గా, అందులోమొద‌టిది మాట్లేడేముందు కాస్త ఆలోచించి మాట్లాడాలి. రెండోది కోపాన్ని కంట్రోల్ చేసుకోవాలంటే కోపం వ‌చ్చిన వెంట‌నే అంకెలు లెక్క‌పెట్టాలి. అంతే కాకుండా కోపం వ‌చ్చిన‌ప్పుడు అర‌వకుండా నెమ్మ‌దిగా మాట్లాడే ప్ర‌య‌త్నం చేయాల‌ని చెప్పాడు. ఇతరుల‌పై కోపం ఉన్నా వారిని క్ష‌మించి మ‌న‌సులో ఉన్న‌ది బ‌య‌ట‌పెట్టాలి. చివ‌ర‌గా బాలయ్య ఇచ్చిన టిప్ ఏంటంటే కోపాన్ని వీలైనంత త‌గ్గించుకునేందుకు ప్ర‌య‌త్నించాలి. అప్పడే సంతోషంగా ఉంటాం అని బాలయ్య స్ప‌ష్టం చేశారు.
