Balakrishna : ప్ర‌స్తుతం ఏపీ రాజకీయాలు ఎంత వాడివేడిగా సాగుతున్న విష‌యం తెలిసిందే. ఒకరిపై ఒకరు తీవ్ర విమర్శలు చేసుకుంటూ వార్త‌ల‌లో నిలుస్తున్నారు. రాజ‌కీయాల వ‌ల‌న పెద్ద పెద్ద స్టార్స్ కూడా విమ‌ర్శ‌ల పాల‌వుతున్నారు. ఇటీవ‌ల ఆంధ్రప్రదేశ్ రాష్ట్రంలో ఎన్టీఆర్ శతజయంతి వేడుకలకు వచ్చి చంద్రబాబును ప్రశంసిస్తూ రజినీకాంత్ వ్యాఖ్యలు చేయడంతో ఏపీలో రాజకీయ దుమారం రేగింది. అధికార ప్రతిపక్ష పార్టీ నేతలు ఒకరిపై ఒకరు తీవ్ర స్థాయిలో విమర్శలు చేసుకుంటున్నారు. ముఖ్యంగా రజనీకాంత్ చంద్రబాబు ని పొగుడుతూ వ్యాఖ్యలు చేయడాన్ని వైసీపీ శ్రేణులు తీవ్రంగా విమ‌ర్శించాయి. ముఖ్యంగా రోజా.. రజనీకాంత్ ఏపీలో మాట్లాడిన వ్యాఖ్యలతో ఆయన జీరో అయిపోయారు అని పేర్కొన్నారు.
రాజకీయాలు వద్దు అనుకున్న రజినీకాంత్ కు ఏపీ రాజకీయాలతో ఏం పని ఉందని మంత్రి రోజా ప్రశ్నించారు. అంతేకాదు రజినీకాంత్ కు క్షమాపణ చెప్పాల్సిన అవసరం తమకు లేదని, తాము చేసిన వ్యాఖ్యల్లో తప్పేమీ లేదని మంత్రి రోజా స్ప‌ష్టం చేసింది. రోజా వ్యాఖ్యలు తీవ్ర దూమారం రేపాయి. ఒక పెద్ద స్టార్‌ని, అందులో వ‌య‌స్సులో పెద్దాయ‌న అయిన వ్య‌క్తిని ఇలా అంటావా అంటూ మంత్రి రోజాకు సూపర్ స్టార్ రజనీకాంత్ ఫ్యాన్స్ హెచ్చరికలు జారీ చేశారు. నోటికొచ్చిన‌ట్టు మాట్లాడితే ఎవ‌రైన స‌రే ఊరుకునే ప్ర‌సక్తి లేదని త‌లైవా ఫ్యాన్స్ వార్నింగ్ ఇచ్చారు.
ఇక బాల‌య్య కూడా ఓ సంద‌ర్భంలో రోజాకి స్వీట్ వార్నింగ్ ఇచ్చిన‌ట్టు తెలుస్తుంది. అస‌లు రజనీకాంత్ ముందు నువ్వెంత అని ఆమెని తిట్టిన‌ట్టు స‌మాచారం. టాలీవుడ్ లో బాలకృష్ణ, రోజా అంటే అందరికీ బాగా తెలుసు. ఎందుకంటే వీరిద్దరూ సినీ ఇండస్ట్రీలో మంచి క్రేజ్ ఉన్న హీరో హీరోయిన్లు. అంతేకాదు వేరు, వేరు పార్టీల తరుపున ఎమ్మెల్యేగా పోటీ చేసి గెలిచారు. ఇక రోజా అయితే బుల్లితెరలో కూడా నటిస్తూ, ప్రేక్షకుల ఆదరణ ద‌క్కించుకుంది. బాలకృష్ణ కూడా వ‌రుస సినిమాల‌తో సందడి చేస్తున్నాడు.వీరిద్దరి కాంబినేషన్లో ఎన్నో మంచి బ్లాక్ బాస్టర్ సినిమాలు వచ్చాయి. అయితే రాజ‌కీయాల వ‌ల‌న ఇప్పుడు వీరిద్ద‌రు బ‌ద్ధ శ‌త్రువులుగా మారారు.
