Balakrishna : బాల‌కృష్ణ.. ఈ పేరుకి ప్ర‌త్యేకంగా ప‌రిచ‌యం అక్క‌ర్లేదు. సీనియ‌ర్ హీరోల‌లో బాల‌య్య‌కు ప్ర‌త్యేక గుర్తింపు ఉంటుంది. ఇప్ప‌టికీ కుర్రాళ్ల‌కి పోటీగా సినిమాలు చేస్తున్నారు. బోయపాటి శ్రీను – బాల‌కృష్ణ కాంబినేష‌న్.. బ్లాక్‌ బస్టర్ అన్న పదానికి పర్యాయపదం. సింహాతో సూపర్‌ హిట్ జర్నీ స్టార్ట్ చేసిన ఈ హీరో, డైరెక్టర్‌.. తరువాత లెజెండ్‌, అఖండ సినిమాల‌తో బాక్సాఫీస్ లెక్కలు మార్చేశారు. అందుకే ఈ మ్యాజికల్ కాంబోను మరోసారి రిపీట్ చేసే ఆలోచనలో ఉన్నారు. ప్రజెంట్ గోపీచంద్ మలినేని దర్శకత్వంలో ఓ సినిమా చేస్తున్నారు బాలయ్య. నెక్ట్స్ అనిల్ రావిపూడి దర్శకత్వంలో మరో సినిమాకు గ్రీన్ సిగ్నల్ ఇచ్చారు.
అయితే బాల‌కృష్ణ‌కి సంబంధించి తాజాగా ఓ వార్త హ‌ల్‌చ‌ల్ చేస్తుంది. ఆయ‌న కెరీర్ ప్రారంభం నుండి డూప్ లేకుండా యాక్ష‌న్ సీన్ లు చేస్తూ ద‌ర్శ‌కుల‌ను ఆశ్చ‌ర్య‌ప‌రిచేవారు. ఈ నేప‌థ్యంలోనే బాలయ్య సీమ సింహం సినిమాలో చేసిన ఓ సీన్ అంద‌రినీ ఆశ్చ‌ర్య‌ప‌ర‌చింది. ఇందులో ట్రాఫిక్ లో బాలయ్య ఓ హాస్పిట‌ల్ కు వెళ్లే స‌మయంలో ఫ్లై ఓవ‌ర్ పై నుండి దూకే సీన్ ఉంటుంద‌న్న సంగ‌తి తెలిసిందే. అయితే ఈ సీన్ ను బాలయ్య డూప్ లేకుండా చేయ‌డం విశేషం. హైద‌రాబాద్ లోని నారాయ‌ణ‌గూడ ఫ్లై ఓవ‌ర్ పై ఈ స‌న్నివేశాన్ని చిత్రీక‌రించ‌గా, 40 అడుగులు ఎత్తు నుండి దూకడం అవ‌స‌రమా అని ద‌ర్శ‌కుడు డూప్ ను పెట్టి మ్యానేజ్ చేస్తామ‌ని చెప్పార‌ట.
ప్రేక్ష‌కుల‌కి అంత కిక్ ఉండ‌ద‌ని బాలయ్య డూప్ లేకుండా చేశ‌డ‌ట. ఈ విష‌యం గురించి ఫైట్ మాస్ట‌ర్ గా చేసిన క‌న‌ల్ క‌న్న‌న్‌ బాల‌య్యపై ప్ర‌శంస‌లు కురిపించారు. బాలయ్య ఎంతో డెడికేష‌న్ ఉన్న న‌టుడ‌ని ప్ర‌శంస‌లు కురిపించారు. బాలయ్య ఇప్పుడేకాదు గ‌తంలో కూడా ఇలాంటి రిస్క్ లు చేశారు. ప్ర‌స్తుతం బాలయ్య చేస్తున్న 107వ సినిమాలో శృతి హాస‌న్ క‌థానాయిక‌గా న‌టిస్తుంది. ఈ సినిమాలో మరోసారి నంద‌మూరి హీరో ద్విపాత్రాభిన‌యంలో క‌నిపిస్తాడ‌నే టాక్ వినిపిస్తోంది. నిజ ఘ‌ట‌న‌ల‌ను ఆధారంగా చేసుకుని ద‌ర్శ‌కుడు గోపీచంద్ మలినేని క‌థ‌ను రాసుకున్నారు. ఈ చిత్రానికి అన్న‌గారు అనే టైటిల్ ప‌రిశీల‌న‌లో ఉంద‌ని కూడా అంటున్నారు.
