Baby Movie Kusuma : గ‌త వారం చిన్న సినిమాగా విడుద‌లై పెద్ద విజ‌యం సాధించిన చిత్రం బేబి. ఆనంద్ దేవ‌ర‌కొండ, వైష్ణవి ప్ర‌ధాన పాత్ర‌ల‌లో రూపొందిన ఈ చిత్రం బాక్సాఫీస్ ద‌గ్గ‌ర అతి పెద్ద విజ‌యం సాధించింది. . ‘సాఫ్ట్‌వేర్ డెవలపర్’ లాంటి వెబ్‌సిరీస్‌తో మంచి గుర్తింపు తెచ్చుకున్న వైష్ణవికి ఇది తొలి చిత్రం కాగా,ఈ అమ్మ‌డు తన మొదటి సినిమాతోనే తన యాక్టింగ్ స్కిల్స్‌తో ఆదరగొట్టింది. విమర్శకుల నుంచి కూడా ప్రశంసలు అందుకుంది. ఇదిలా ఉంటే.. ఈ చిత్రంలో హీరోయిన్ వైష్ణవి ఫ్రెండ్‌గా నటించిన అమ్మాయి కూడా స్పెషల్ అట్రాక్షన్‌గా నిలిచింది.ఇప్పుడు ఆమె ఎవ‌రో తెలుసుకోవాల‌ని ప్ర‌తి ఒక్క‌రు నెట్టింట సెర్చ్ చేస్తున్నారు.
వైష్ణవి చైతన్య కాలేజ్ వెళ్లిన తర్వాత అక్కడ చెడు అలవాట్లకు, చెడు సావాసాలకు ఆకర్షితురాలై తన లైఫ్ ను రిస్క్ లో పెట్టుకోవడమే కాక తనను ప్రాణంగా ప్రేమించిన వ్యక్తిని మోసం చేస్తున్న తీరు, ఆమె ఫ్రెండ్ కు నచ్చక హీరోయిన్ కు దూరంగా ఉంటుంది. ఈ సినిమాలో ఆమెకు ప్రత్యేకమైన గుర్తింపు లభించింది. దీంతో ఈ అమ్మాయి ఎవరు? ఏంటి అనే చర్చలు మొదలయ్యాయి. మరి అమ్మాయి ఎవరు ఏంటి అనే విషయానికి వస్తే…ఆ అమ్మాయి పేరు కుసుమ డేగల మారి. ఆమె వాయిస్ ఓవర్ ఆర్టిస్ట్ గా, మోడల్ గా కెరీర్ ఆరంభించింది.
ఇన్ స్టా ఖాతాలో షూటింగ్ కు సంబంధించిన వీడియోలు చేస్తూ ఎంతో యాక్టివ్ గా ఉంటారు. ఇలా ఇంస్టాగ్రామ్ లో ఎంత యాక్టివ్ గా ఉన్నటువంటి ఈమెకు ఈ సినిమా అవకాశం వచ్చింది. అయితే ఈమెకు ఇది మొదటి సినిమా కావడం విశేషం. ఇలా మొదటి సినిమా ద్వారానే కుసుమ ఎంతో మంచి గుర్తింపు పొందారు. రీల్ లైఫ్‌లో చాలా బోల్డ్‌గా ఉండే కుసుమ తన ఇన్‌స్టాలో ఎప్పుడూ వీడియోలు, హాట్ ఫోటోలతో యాక్టివ్‌గా ఉంటుంది. టాలీవుడ్‌లో ఆమెకిదే మొదటి చిత్రం కాగా.. తొలి సినిమాతోనే తన నటనకు మంచి మార్కులు కొట్టేసింది. అలాగే త్వరలోనే ఆమెకు మరిన్ని అవకాశాలు క్యూ కట్టే ఛాన్స్ లేకపోలేదు.
