Babu Gogineni : వేణు స్వామి.. ఈ పేరు ఇటీవ‌లి కాలంలో బాగా పాపుల‌ర్ అయింది.ఆయన సినీ, రాజ‌కీయ ప్ర‌ముఖుల గురించి ఏవో జాత‌కాలు చెబుతూ మంచి పేరు తెచ్చుకున్నాడు. 2023లో బీఆర్ఎస్ పార్టీ విజయం సాధిస్తే.. కేసీఆర్ ముఖ్యమంత్రి కాలేరని ఆయన వెల్లడించారు. ఈసారి డైరెక్టుగా కేటీఆర్ సీఎం అవుతారని చెప్పారు. కేటీఆర్ జాతకం ప్రకారం ఆయనకు సీఎం యోగం ఉందని అన్నారు. అయితే 2023లో బీఆర్ఎస్ అధికారంలోకి వస్తేనే అధి సాధ్యమవుతుందని చెప్పారు. సీఎం కావాలంటే బలమైన గ్రహాలు అనుగ్రహించాలని చెప్పారు. నేను చెప్పింది త‌ప్పైతే జాతకం వ‌దిలేస్తాన‌ని కూడా ఆస‌క్తిక‌ర వ్యాఖ్య‌లు చేశాడు. అయితే రేవంత్ రెడ్డి సీఎం కావ‌డంతో మ‌నోడిని తెగ ఆడుకున్నారు ట్రోల‌ర్స్.
అయితే జ్యోతిష్కులని ఎప్పుడు ట్రోల్ చేస్తూ ఉండే బాబు గోగినేని.. టీవీ చాన‌ల్ లైవ్‌ లో చ‌ర్చ నిర్వ‌హిస్తుండ‌గా అందులోకి ఎంట్రీ ఇచ్చారు. ఈ సంద‌ర్భంగా త‌న‌దైన శైలిలో జ్యోతిష్యాన్ని త‌ప్పుప‌ట్టారు. వేణుస్వామి జ్యోతిష్యాన్ని, ఆయన ప్ర‌క‌ట‌న‌ల‌ను ఖండించారు. ఈ సంద‌ర్భంగా ప్ర‌ధాన‌మంత్రిని కూడా త‌న ప్ర‌చారానికి వేణు స్వామి వాడుకుంటున్నార‌ని ఆరోపించారు. ఆయ‌న‌తో దిగిన మార్ఫింగ్ ఫొటో పెట్టుకొని ప్ర‌చారం చేసుకుంటున్నార‌ని విమ‌ర్శించారు. వీళ్లు విప‌త్తులు వ‌చ్చిన‌ప్పుడు ఎందుకు ముందు చెప్ప‌డం లేదు అని ఆగ్ర‌హం వ్య‌క్తం చేశారు. ఒక వ్య‌క్తి ఆస్ట్రేలియా- ఇండియా వ‌రల్డ్ క‌ప్ మ్యాచ్ స‌మ‌యంలో చెప్పిన జాతకం న‌వ్వు తెప్పించింద‌ని అన్నారు.
జ్యోతిష్యం పేరుతో జ‌రుగుతున్న వ్యాపారాన్ని తాను వ్య‌తిరేకిస్తున్నానని బాబు గోగినేని చెప్పారు. జ్యోతిష్యాన్ని వ్య‌తిరేకించ‌డం మ‌తానికి వ్య‌తిరేకం కాదు…మోసానికి వ్య‌తిరేకం అని ఆయన తెలిపారు. వివేకానందుడు, ద‌యానంద స‌రస్వ‌తి సైతం వ్య‌తిరేకించారని గుర్తుచేశారు. వేణు స్వామి చెప్పిన వందలో ఒక్కటి మాత్రం నిజమైందని, అది ఫ్లోరిడాలోని హరికేన్ గురించి చెప్పిందని అన్నారు. ఇంతకు ముందు కూడా కొన్ని బండారాలను టీవీ చానెళ్లలో బాబు గోగినేని బయటపెట్టారు.
