Ayyanna Patrudu : వైసీపీ నాయ‌కుల‌పై గ‌త కొద్ది రోజులుగా టీడీపీ నాయ‌కులు వ‌రుస విమర్శలు చేస్తున్న విష‌యం తెలిసిందే. ముఖ్యంగా జ‌గ‌న్‌తో పాటు రోజాని ప‌లువురు మంత్రుల‌ని టీడీపీ నాయ‌క‌లు విమర్శలు చేస్తూ వార్త‌ల‌లో నిలుస్తున్నారు. టీడీపీ పొలిట్ బ్యూరో సభ్యుడు అయ్యన్నపాత్రుడు ఇటీవ‌ల మహానాడులో మాట్లాడుతూ.. ‘‘మంత్రి రోజా.. రాజకీయం అంటే జబర్దస్త్ స్టేజ్ షో కాదు. మా తెలుగుదేశం నేతలకు రోజమ్మ ఏదో చీరలు పంపుతుందట. జబర్దస్త్ రింగుల రాణి రోజా తన భర్తకు చీర కట్టించి ఇంట్లో కూర్చొపెట్టింది అని ఆమెకి చుర‌క‌లు అంటించాడు. .రాష్ట్రాన్ని ఎలా అభివృద్ధి చేయాలో తెలిసిన వ్యక్తి బాబు.రాబోయే పదేళ్ల ప్రగతి ఆలోచించే వ్యక్తి బాబు అని ఆయ‌న స్ప‌స్టం చేశాడు.
బడుగులకు ప్రాధాన్యం ఇచ్చిన ఘనత టీడీపీదే.బాలయోగి, ఎర్రన్నాయుడు వంటి వారికి ఉన్నత పదవులు ఇచ్చిన ఘనత టీడీపీదే అని, తెలుగుదేశం అధికారంలోకి రావడం ఖాయం’’ అని అయ్యన్నపాత్రుడు పేర్కొన్నారు. దేశంలోని ఎన్నో సంక్షేమ ప‌థ‌కాల‌కి ఎన్టీఆర్ మార్గ‌ద‌ర్శ‌కం అని ఆయ‌న కొనియాడారు. నాలుగేళ్లుగా ప్రతిపక్షాలను సీఎం జగన్ ఇబ్బంది పెడుతున్నారని అయ్యన్న పాత్రుడు మండిపడ్డారు. జగన్ పాలనలో ఎక్కడ చూసినా దోపిడీ త‌ప్ప మ‌రేమి క‌నిపించ‌డం లేదని ఆయ‌న ఆగ్ర‌హం వ్య‌క్తం చేశారు. పింఛను రూ.3 వేలు ఇస్తానని చెప్పి మోసం చేసిన జగన్… 25 లక్షల ఇళ్లు ఇస్తానని చెప్పి ఒక్క ఇల్లు కూడా కట్టలేదని ఆరోపించారు.
సీఎం జగన్ తో పాటు రాష్ట్రంలో ఏ మంత్రికీ విషయ పరిజ్ఞానం లేదని వ్యాఖ్యానించారు. రాష్ట్ర భవిష్యత్, పిల్లల భవిష్యత్తు కోసం వచ్చే ఎన్నికల్లో మళ్లీ టీడీపీ రావాలన్నారు మాజీ మంత్రి అయ్యన్నపాత్రుడు. రాష్ట్రంలో పెద్ద ఎత్తున గంజాయి సాగవుతుంటే పోలీసులు ఏం చేస్తున్నారని ప్రశ్నించారు. కేసులు పెట్టి చేతులు దులుపుకుంటున్నారా? ఎంతమందిపై చర్యలు తీసుకున్నారు? అని అడిగారు. అన్నపూర్ణ లాంటి రాష్ట్రానికి గంజాయి అందించడం దురదృష్టకరమని చురకలంటించారు.
