Avatar 2 First Review : అవ‌తార్ 2 ఫ‌స్ట్ రివ్యూ…ఈ సినిమా ఎలా ఉందంటే..?

Avatar 2 First Review : అవ‌తార్ చిత్రం ప్ర‌పంచ వ్యాప్తంగా ఎన్ని సంచ‌ల‌నాలు సృష్టించిందో ప్ర‌త్యేకంగా చెప్ప‌న‌క్క‌ర్లేదు. 2009 చివర్లో డిసెంబర్‌ 18న ప్రపంచవ్యాప్తంగా ‘అవతార్‌’ చిత్రం విడుదలైంది. రెండో ఆట ముగిసేసరికి సంచలనం సృష్టించిన ఈ చిత్రం మూడు రోజులు దాటకముందే రికార్డుల మోత మొదలు పెట్టంది.. పదమూడేండ్లు గడుస్తున్నా.. ‘అవతార్‌’ విశ్వరూపాన్ని మర్చిపోలేకపోతున్నాం. అంతలా అలరించింది ఈ హాలీవుడ్‌ సినిమా. అవతార్ మొత్తం ఐదు ఫ్రాంచైజీలుగా రానుందని మేకర్స్ ఇదివరకే ప్రకటించారు. ఈ క్రమంలోనే సెకండ్ పార్ట్ కోసం అవతార్ అభిమానులు చాలా సంవత్సరాలుగా ఎదురుచూస్తుండగా.. మొత్తానికి ఈ నెల 16న ‘అవతార్ : ది వే ఆఫ్ వాటర్’ వరల్డ్ వైడ్‌గా రిలీజ్ అయ్యేందుకు సిద్థమైంది.

ఇండియాలోనూ అత్యధిక స్క్రీన్స్‌లో అవ‌తార్ 2 భారీ ఎత్తున విడుదల కానుండగా.. ఇప్పటికే 2 లక్షల టికెట్లు అడ్వాన్స్ బుక్ అయ్యాయి. ప్రపంచవ్యాప్తంగా $2 బిలియన్ల బ్రేక్‌ఈవెన్ టార్గెట్‌తో థియేటర్‌లలోకి ఈ సినిమా రాబోతుంది. అవతార్ 2 ప్రీమియర్ లండన్‌లో జరగగా, మూవీకి సంబంధించిన రివ్యూలు బ‌య‌ట‌కు వ‌స్తున్నాయి. లండన్‌లో జరిగిన వరల్ద్ ప్రీమియర్‌లో ఈ చిత్రాన్ని వీక్షించిన పలువురు ఫిలిం క్రిటిక్స్, సినీ ప్రముఖులు ట్విట్టర్‌ వేదికగా సినిమా గురించి ప్రశంసించారు.

జేమ్స్ కామెరాన్ దర్శకత్వ ప్రతిభ గురించి ఇప్ప్రటికే పంచమంతా తెలిసినప్పటికీ.. ఈ విజువల్స్ అందరి అంచనాలకు అందనంత ఎత్తులో అద్భుతంగా ఫ్రేమ్ చేయబడ్డాయని తెలిపారు. విజువల్‌గా చాలా అద్భుతంగా ఉందని , ఈ చిత్రంలో కొన్ని యాక్షన్ సన్నివేశాలు చాలా ఆకట్టుకునే విధంగా ఉన్నాయని గిజ్‌మోడోకు చెందిన జర్మైన్ లూసియర్ ట్వీట్ చేశాడు. ముఖ్యంగా పిల్లలందరి పెర్ఫార్మెన్స్ ప్రతి ఒక్కరినీ కట్టిపడేస్తుందని అన్నారు. కొంద‌రు ఈ చిత్రాన్ని సినిమాటిక్ మాస్టర్ పీస్‌గా వర్ణించాడు. మొదటి భాగం కంటే ఎక్కువ ఆనందించానని.. ఆన్-స్క్రీన్‌పై అద్భుతమైన విజువల్స్‌తో మెస్మరైజ్ చేస్తుందని అంటున్నారు. వీఎఫ్ఎక్ , సీజీఐ పీక్స్‌లో ఉన్నాయ‌ట‌. పండోర అందాలు చాలా అద్భుతంగా ఉన్నాయ‌ట‌. 3 గంట‌ల 10 నిమిషాలు ఉన్న ఈ సినిమాకి సంబంధించి పాజిటివ్ రివ్యూలే వ‌స్తున్నాయి.