Venu Swamy : రాజకీయ విశ్లేషణలు, సినీ సెలబ్రిటీల జోత్యిష్యం చెబుతూ వార్త‌ల‌లో నిలిచే వేణు స్వామి ఆ మధ్య మ‌ళ్లీ ఎవ‌రి జోలికి రాన‌ని చెప్పాడు. కాని ఆ మాట‌ల‌ని ప‌క్క‌న పెట్టేశాడు. అక్కినేని నాగచైతన్య ,శోభిత ధూళిపాళ్ల పెళ్లయిన కొన్నాళ్లకు విడిపోతారని ఇద్దరి గ్రహ మైత్రి సరిలేదని, నిశ్చితార్థం జరిగిన సమయం కూడా అనుకూలంగా లేదని, ఈ కారణాలతో వారు విడిపోతారని జోస్యం చెప్పారు. సమంతతో విడిపోయినట్లే, శోభితతో కూడా చైతన్య విడిపోతాడని ఆయన సెలవవ్వడంతో అభిమానులు, నెటిజన్లు వేణుస్వామిని ట్రోల్‌ చేశారు. సోషల్‌ మీడియా వేదికగా మాట యుద్దాలు చేశారు. ఇదే విషయంపై మూవీ ఆర్టిస్ట్స్‌ అసోసియేషన అధ్యక్షుడు మంచు విష్ణు కూడా వేణుతో ఫోనులో మాట్లాడటంతో ఆయన ఓ వీడియో రిలీజ్‌ చేశారు.
“రెండు నెలల క్రితమే రాజకీయ విశ్లేషణలు, సినీ సెలబ్రిటీల జాతాకలు చెప్పనని చెప్పాను. దానికి నేను కట్టుబడి ఉంటాను. అయితే నాగచైతన్య, శోభిత జాతకం గురించి చెప్పడానికి కారణం ఉంది. గతంలో సమంత, చైతన్య గురించి చెప్పాను, దానికి కొనసాగింపు అన్నట్లు ఇది చెప్పాను. ఇదే విషయంపై మంచు విష్ణు ఫోన్లో మాట్లాడారు. ఇకపై సెలబ్రిటీల జ్యోతిష్యాలు చెప్పనని, సంబంధిత వీడియోలో పోస్ట్‌ చేయనని చెప్పాను. ఆయన కూడా పాజిటవ్‌గా తీసుకున్నారు. ఇకపై నా నుంచి సెలబ్రిటీల జ్యోతిష్యాలు ఆశించవద్దు’ అని వీడియోలో పేర్కొన్నారు. క‌ట్ చేస్తే గత కొన్నాళ్లుగా జర్నలిస్ట్ మూర్తి వర్సెస్ వేణుస్వామిల మధ్య వివాదం నడుస్తోంది. జాతకాల పేరుతో వేణుస్వామి మోసాలు చేస్తున్నారంటూ.. టీవీ 5 డిబేట్‌లతో స్వామి వారి యవ్వారాలన్నింటికీ ఒక్కొక్కటిగా బయటపెడుతున్నారు జర్నలిస్ట్ మూర్తి.
అయితే జర్నలిస్ట్ మూర్తి రూ.5 కోట్లు డిమాంట్ చేశారంటూ షాకింగ్ ఆడియోను విడుదల చేశారు వేణు స్వామి దంపతులు. ఈ వీడియోలో తాను జర్నలిస్ట్ మూర్తి వల్ల ఆత్మహత్య చేసుకునే పరిస్థితి వచ్చిందని అన్నారు వేణుస్వామి. నన్ను జర్నలిస్ట్ మూర్తి 2017లో మహా టీవీలో ఉన్నప్పటి నుంచి నాపై దాడి చేయడం ప్రారంభించారు. నన్ను నాశనం చేయడానికి తీవ్రమైన ప్రయత్నాలు చేశారు. వాళ్లు అడిగిన డబ్బులు నేను ఇవ్వలేదు. గత ఎనిమిది నెలల నుంచి నా మీద జర్నలిస్ట్ మూర్తి గారి ఆధ్వర్యంలో నాపై దాడులు ప్రారంభించారు. నేను నా భార్య ఆత్మహత్య చేసుకుంటామ‌ని అన్నారు.దీనిపై మూర్తి స్ట్రాంగ్ కౌంట‌ర్ ఇచ్చాడు. ఆయ‌న‌పై పోలీస్ స్టేష‌న్‌లో కూడా కేసు న‌మోదు చేశారు. ఇప్పుడు ఈ వ్య‌వ‌హారం ర‌చ్చ‌గా మార‌డంతో అంద‌రు వేణు స్వామినే తిట్టిపోస్తున్నారు.
