Anushka Shetty : డార్లింగ్ ప్రభాస్ లేటెస్ట్ మూవీ ఆదిపురుష్ గ‌త కొద్ది రోజులుగా జోరుగా ప్ర‌చార కార్య‌క్ర‌మాలు జ‌రుపుకుంటున్న విష‌యం తెలిసిందే. ఓం రౌత్ ద‌ర్శ‌క‌త్వంలో తెరకెక్కిన ఆదిపురుష్ చిత్రం కోసం ఫ్యాన్స్ ఎంతో ఆశగా ఎదురు చూస్తున్నారు. ఇప్పటికే ఆడియన్స్ ముందుకు రావాల్సిన ఈ చిత్రం.. గ్రాఫిక్స్ విషయంలో విమర్శలు ఎదురుకోవడంతో కొంత వెన‌క్కు వెళ్లింది. ఇప్పుడు ఈ చిత్రం జూన్ 16న రిలీజ్ కి సిద్ధ‌మైంది. ఇటీవ‌ల ట్రైలర్ విడుదల కాగా, ఇందులో గ్రాఫిక్స్ లో జరిగిన చేంజెస్ చూసి ఫ్యాన్స్ ఫుల్ ఖుష్ అవుతున్నారు. మూవీ హిట్ కొట్ట‌డం గ్యారెంటీ అనే ఆలోచ‌న‌లో పడ్డారు. ఈ మూవీలో రావణాసురిడిగా సైఫ్ అలీ ఖాన్ నటిస్తున్నాడు.
ఇక ఈ మూవీ రిలీజ్ కి ముందే ట్రిబెకా ఫెస్టివల్ లో ప్రీమియర్ కానుంది. జూన్ 7 నుంచి 18 వరకు జరగబోయే ఈ ఫిలిం ఫెస్టివల్ లో ఆదిపురుష్ ని జూన్ 13, 14, 15 తేదీల్లో ప్రదర్శించనున్నారు. ఆ తరువాత రోజు జూన్ 16న వరల్డ్ వైడ్ గా రిలీజ్ కాబోతుంది. సినిమా మాత్రం మంచి విజ‌యం సాధిస్తుంద‌ని ప్ర‌తి ఒక్కరు విశ్వ‌సిస్తున్నారు. ఇక ఈ మూవీ పోస్ట‌ర్‌తో అనుష్క ర‌చ్చ చేయడం ఇప్పుడు హాట్ టాపిక్‌గా మారింది. ఆదిపురుష్ పోస్ట‌ర్‌తో అనుష్క హంగామా చేస్తున్న‌ఫొటో ఒక‌టి ఇప్పుడు నెట్టింట వైర‌ల్‌గా మారింది. ఇది చూసి ప్ర‌తి ఒక్కరు ఫుల్ ఖుష్ అవుతున్నారు.
వెండితెరపై ప్రభాస్, అనుష్కది హిట్ జోడీ. నిజ జీవితంలో కూడా వాళ్ళిద్దరి మధ్య మంచి స్నేహం ఉంది. అయితే, వాళ్ళు ప్రేమలో ఉన్నారని కొన్నాళ్లుగా వార్తలు వ‌స్తూనే ఉన్నాయి. ప్రభాస్, కృతి ప్రేమలో పడ్డారని వార్తలు వచ్చినప్పుడు అనుష్క సీరియస్ అయినట్లు కూడా సోషల్ మీడియాలో కొంత మంది పోస్టులు కూడా చేశారు. మీమ్స్, ట్రోల్స్ పక్కన పెడితే… ప్రభాస్, అనుష్క జోడీని మరోసారి వెండితెరపై చూడాలని అభిమానులు ఎంతో కోరుకుంటున్నారు. అస‌లు ‘ఆదిపురుష్’లో సీత పాత్రకు కృతి సనన్ బదులు అనుష్క అయితే బావుంటుందని కొందరి ఫీలింగ్! దానిని మీమ్ రూపంలో కూడా చూపించారు. సీతగా అనుష్కను ఎడిట్ చేసి పెట్టారు. మ‌రి ఆ కాంబినేష‌న్ ఎప్పుడు ప్రేక్ష‌కుల ముందుకు వ‌స్తుందో చూడాలి.
