Anita Hassanandani : అనిత హస్సానందని.. ఈ పేరు వింటే టాలీవుడ్ సినీ ప్రేక్షకులు పెద్దగా గుర్తుపట్టరు. కానీ అప్పట్లో ప్రముఖ సినీ నటుడు ఉదయ్ కిరణ్ హీరోగా నటించిన నువ్వు నేను చిత్రంలో ఎమోషనల్ పాత్రలో నటించిన హీరోయిన్ అంటే మాత్రం ఇట్టేగుర్తు పడతారు. ఈమె చేసిన సినిమాల్లో తొట్టి గ్యాంగ్, శ్రీరామ్, నేనున్నాను, ఆడంతే .. అదో టైపు వంటి ఎన్నో సినిమాలు ఈమెకు మంచి పేరును తీసుకువచ్చాయి. ఈ అమ్మడు సినిమా ఇండస్ట్రీకి ఎంట్రీ ఇచ్చింది తెలుగు సినిమాతోనే అయినప్పటికీ బాలీవుడ్ కి చెందిన రోహిత్ రెడ్డి అనే వ్యక్తిని ప్రేమించి పెళ్లి చేసుకొని అక్కడే సెటిల్ అయిపోయింది.
దీంతో ఈ అమ్మడు టాలీవుడ్ సినీ ప్రేక్షకులకు దూరం అయింది. ఈ మధ్యనే వీరికి కూతురు జన్మించింది. ఆడవాళ్ళకి మాతృత్వం అనేది ఒక వరం. అయితే చాలామంది ప్రెగ్నెన్సీతో వచ్చిన బరువుని శాపంగా భావిస్తారు. శరీర బరువుని తగ్గించుకోవడం కోసం ఇష్టమైన వాటిని తినకుండా ఉంటారు. అనిత కూడా ప్రెగ్నెన్సీ అనంతరం బొద్దుగా తయారైంది. అయితే అప్పటి నుంచి ఆమె గంటలు గంటలు వర్కవుట్లు చేస్తూ వచ్చింది. మెల్లమెల్లగా శరీర బరువును తగ్గించుకుంటూ ఫిట్ గా తయారైంది.
ఈ మొత్తం ట్రాన్స్ఫర్మేషన్ ని ఒక వీడియోలో చూపిస్తూ తన ఇన్స్టాగ్రామ్ ఖాతాలో షేర్ చేసింది. ఏడాది క్రితం బొద్దుగా.. ఇప్పుడు స్లిమ్ గా కనబడుతున్న హెవీ వెయిట్ టూ వెయిట్ లాస్ ట్రాన్స్ఫర్మేషన్ వీడియోని పోస్ట్ చేసింది. అయితే తాను ఇలా అయినందుకు డైట్ ఫాలో అవ్వలేదని, ఇష్టం వచ్చిన ఫుడ్ తిన్నానని రాసుకొచ్చింది. అయితే వ్యాయామం చేయడం ద్వారా బరువు తగ్గినట్లు అనిత వెల్లడించింది. ఈ వీడియోని చూసిన నెటిజన్లు, సెలబ్రిటీలు అనితను అభినందిస్తున్నారు. ఎంతోమంది మాతృమూర్తులకు నువ్వు ఆదర్శం అంటూ ప్రశంసిస్తున్నారు. ప్రస్తుతం ఈ వీడియో నెట్టింట తెగ వైరల్ అవుతోంది.
View this post on Instagram
