Anchor Varshini : బుల్లితెర యాంకర్స్‌లో త‌మ‌కంటూ ప్ర‌త్యేక గుర్తింపు తెచ్చుకున్న వారిలో వర్షిణి సౌంద‌ర‌రాజ‌న్ ఒక‌రు. ఈ ముద్దుగుమ్మ చాలా కాలంగా తనదైన అందం, హోస్టింగ్‌తో అలరిస్తోంది. తద్వారా వరుసగా ఆఫర్లను అందుకోవడంతోపాటు ఫాలోయింగ్‌ను సైతం భారీ స్థాయిలో పెంచుకుంది. ఇక ఈ మధ్య కాలంలో టీవీలో షోల కంటే సినిమాలు చేయడానికే ప్రాధాన్యం ఇస్తోంది. మ‌రోవైపు సోషల్ మీడియాలో మరింత యాక్టివ్‌గా ఉంటూ తెగ సందడి చేస్తోంది. సోషల్ మీడియాలో ఈ అమ్మ‌డి అందాల ఆర‌బోత పీక్స్‌లో ఉంటుంద‌నే చెప్పాలి.
సినిమా ఇండ‌స్ట్రీని ఏలేయాలని ఇండస్ట్రీలోకి వచ్చిన వర్షిణికి నిరాశే ఎదురైంది. వెండితెర, బుల్లితెర‌పై పెద్ద‌గా ఈ అమ్మ‌డు రాణించ‌లేక‌పోయింది. వర్షిణి చేసిన సినిమాలు షోస్‌కి ప్ర‌త్యేక గుర్తింపు రాక‌పోవ‌డంతో ఈ అమ్మ‌డు కొన్నాళ్లుగా సైలెంట్ అయింది. అయితే పెళ్లి చేసుకోవడానికి సెటిలైపోవడానికి సిద్ధపడిందట వర్షిణి. దీనికి సంబంధించిన న్యూస్ సోషల్ మీడియాలో వైరల్ గా మారింది. చిన్నప్పటి నుంచి తనకు వాళ్ళ బావ అంటే ఎంతో ఇష్టమని.. వాళ్ళ బావకి కూడా తనంటే ఇష్టమని ఈ క్రమంలోనే అత‌డిని పెళ్లి చేసుకునేందుకు వర్షిణి సిద్ధ‌మైన‌ట్టు టాక్.
వర్షిణి చేసుకోబోయే వ్య‌క్తి ఓ సాఫ్ట్‌వేర్ ఇంజనీర్ అని తెలుస్తుండ‌గా.. అత‌డు కోట్ల ఆస్తికి అధిపత‌ట. వన్ అండ్ ఓన్లీ సన్. దీంతో ఆస్తి మొత్తం వ‌ర్షిణిదే అంటున్నారు. అక్టోబర్ ఆఖరున ఎంగేజ్మెంట్ జరగనున్నట్లు తెలుస్తుంది. మోడల్‌గా హవాను చూపిస్తోన్న సమయంలోనే వర్షిణి చందమామ కథలు అనే తెలుగు సినిమాతో నటిగా ఎంట్రీ ఇచ్చింది. ఆ తర్వాత కూడా కొన్ని సినిమాల్లో నటించింది. కానీ ఇవేమీ ఆమెకు భారీ సక్సెస్‌ను కానీ, గుర్తింపును కానీ ఇవ్వలేకపోయాయి. దీంతో వర్షిణి సినిమాలకు గ్యాప్ తీసుకుంది. ఈ క్రమంలోనే పెళ్లి గోల అనే వెబ్ సిరీస్‌ చేసి మంచి బ్రేక్‌ను దక్కించుకుంది. అక్కడ నుండి బుల్లితెర‌పై ఆఫ‌ర్స్ వరుసగా అందుకుంటోంది.
