నెల్లూరు పట్టణ నియోజకవర్గంలో ఆనం కుటుంబానికి పట్టుంది. అలాగే రూరల్ నియోజకవర్గంలోనూ కూడా కొంత బలముంది. ప్రస్తుతం ఆనం వెంకటరమణారెడ్డి ఈ రెండు స్థానాల్లో పోటీ చేయడానికి రెడీ అవుతున్నారు. అందుకే ఆయన పార్టీలో యాక్టివ్ గా ఉంటూ వ‌స్తున్నారు. నెల్లూరు రూరల్ నియోజకవర్గం నుంచి 2009లో ఆనం వివేకానందరెడ్డి కాంగ్రెస్ నుంచి గెలిచి, ఇక రూరల్ నియోజకవర్గంలోనూ అత‌నికి కాస్త బ‌లం ఉండ‌డంతో రెండింటిలో ఒక సీటు తనకు కావాలని ఆనం వెంకటరమణారెడ్డి కోరినట్లు సమాచారం. చంద్రబాబు కూడా అందుకు మొగ్గు చూపించాడ‌నే టాక్ న‌డుస్తుంది.
ఇక ఆంధ్రప్రదేశ్ పర్యాటక శాఖ మంత్రి ఆర్కే రోజాపై.. టీడీపీ నేత ఆనం వెంకటరమణా రెడ్డి తాజాగాసంచలన ఆరోపణలు చేశారు. రోజా గురించి తాను నగరి నియోజకవర్గం మొత్తం ప్రజాభిప్రాయం సేకరించానని.. వచ్చే ఎన్నికల్లో నగరి నియోజకవర్గంలో రోజా గెల‌వ‌డం అసాధ్యం అని జోస్యం చెప్పారు. విజయపురం మండలం, పాతార్కాడు, కోసల నగరం గ్రామాల్లో దాదాపు వందల ఎకరాల భూమిని రోజా కబ్జా చేశారని కూడా ఆయన విమ‌ర్శ‌లు చేశారు. మంత్రి రోజా పేరెత్తితే.. నగరి ప్రజలు చీదరించుకుంటున్నారని ఆనం స్ప‌ష్టం చేశారు. ఆఖరికి ఏడు కొండల వెంకటేశ్వర స్వామినే ప్రోటోకాల్ టికెట్ల రూపంలో అమ్ముకుంటుందని ఆమెపై ధ్వ‌జ‌మెత్తారు.
ఇటీవల లోకేష్ పాదయాత్రపై కూడా మంత్రి ఆర్కే సెటైర్లు వేశారు. తండ్రి ముఖ్యమంత్రిగా, తాను మంత్రిగా ఉన్నా.. కనీసం ఎమ్మెల్యేగా గెలవలేని రికార్డు నారా లోకేష్ సొంతమని ఆమె ఎద్దేవా చేయ‌డంతో ఆనం రోజాని ఫుల్ గా టార్గెట్ చేశారు. లోకేశ్ ను పిత్రి, గిత్రి అంటే నీకు మామూలుగా ఉండదు అని హెచ్చరించారు.మా అన్న‌ని ఆంబోతు అంటావా.. నువ్వు బుజ్జి పందిపిల్ల‌వ‌ని నేను మ‌న‌వి చేస్తున్నా. మాట‌కి మాట‌కి దెబ్బ‌కి దెబ్బ వ‌దిలేది లేద‌ని మండిప‌డ్డారు. ఆనం సెటైరిక‌ల్ కామెంట్స్ కి వేదిక‌పై ఉన్న వాళ్లంద‌రు తెగ ఎంజాయ్ చేస్తూ న‌వ్వుకున్నారు.
