Allu Aravind: గ‌త కొద్ది రోజులుగా సినీ ప‌రిశ్ర‌మ‌లో అనేక ప‌రిణామాలు చోటు చేసుకుంటున్న విష‌యం తెలిసిందే. అయితే మెగా కుటుంబం వర్సెస్ అల్లు అర్జున్ వివాదం పెరుగుతోంది. కుటుంబసభ్యుల సంగతెలా ఉన్నా ఇరువురి అభిమానులు మాత్రం వివాదాన్ని రచ్చ చేస్తున్నారు. సోషల్ మీడియా సాక్షిగా తెగ రచ్చ చేస్తున్నారు. అల్లు అర్జున్‌తో మెగా ఫ్యామిలీకు దూరం ఉందనే విషయాన్ని ఫ్యాన్స్ ధృవీకరిస్తున్నారు. ఇటీవల మెగా ఫ్యాన్స్ అంటే..చిరంజీవి, పవన్ కళ్యాణ్, రామ్‌చరణ్ అభిమానులు చేసిన ఓ పని..బన్నీ అభిమానుల ఆగ్రహానికి కారణమైంది.ఆ త‌ర్వాత క్ష‌మాప‌ణ‌లు చెప్ప‌డంతో అది స‌ద్దుమ‌ణిగింది.
అరవింద్ షాకింగ్ కామెంట్స్..
అల్లు రామలింగయ్య కారణంగానే చిరంజీవి ఇండస్ట్రీలో నిలదొక్కుకున్నారని..బన్నీ అభిమానులు చెబుతుంటే..మెగా కుటుంబం లేకపోతే మీరెక్కడంటూ చిరు అభిమానులు వాదిస్తున్నారు. కుటుంబసభ్యులు, రెండు కుటుంబాల మధ్య అంతర్గతంగా ఎలా ఉన్నా..ఫ్యాన్స్ మాత్రం వార్ కొనసాగిస్తూనే ఉన్నారు. బన్నీ పాన్‌ ఇండియా స్టార్‌గా ఎదగడంతో, మెగా ఫ్యామిలీలోనూ వరుసగా హీరోలు సినీ రంగంలోకి రావడంతో రెండు కుటుంబాల మధ్య పోటీ పెరిగిందని, ఇది విభేదాలకు మూల కార‌ణంగా మారిన‌ట్టు తెలుస్తుంది.
అయితే ఈ ప్ర‌చారాల‌కి అల్లు అరవింద్ అడ్డుక‌ట్ట వేసే ప్ర‌య‌త్నం చేస్తూనే ఉన్నాడు. ఆ మధ్య మా మధ్య గొడ‌వ‌లు ఉన్నాయ‌న్న‌ది అంతా పుకార్లే అని చెప్పిన అరింద్ తాజాగా మ‌రో సారి ఈ చ‌ర్చ‌పై ఆస‌క్తిక‌ర కామెంట్స్ చేశారు. చిరంజీవి, తాను 80 నుంచి స్నేహితులమని చెప్పారు. స్నేహితులుగా ఉంటూనే కెరీర్ పరంగా ఎదుగుతూ వచ్చామన్నారు. ఆ విధంగానే తమ కుటుంబాలు కూడా ఎదుగుతూ వచ్చాయని, పిల్లలు కూడా రంగంలో స్థిరపడటంతో పోటీ మరింత పెరిగిందన్నారు. ఎంత పోటీ ఉన్నా అది కెరీర్ పరంగానే కానీ, ఫ్యామిలీల పరంగా కాదని స్పష్టం చేశారు అల్లు అరవింద్. సంక్రాంతి పండుగ వస్తే తమ ఇంట్లో నాన్నగారి కార్యక్రమాలు పూర్తి చేసుకుని అందరం చిరంజీవి ఇంటికి వెళ్తామ‌న్నారు. అలానే దీపావ‌ళి కూడా చిరంజీవి ఇంట్లో చేసుకుంటామ‌ని ఆయ‌న అన్నారు. ఇవన్నీ వీడియోలు తీసి చూపించ‌లేం క‌దా అంటూ అరవింద్ ట్రోల‌ర్స్‌కి చుర‌క‌లు అంటించాడు.
