Allu Arjun : గంగోత్రి సినిమాతో వెండితెర ఎంట్రీ ఇచ్చిన అల్లు అర్జున్ ఆన‌తి కాలంలోనే స్టార్ హీరోగా ఎదిగాడు. సొంత టాలెంట్‌తో ఈ స్థాయికి చేరుకున్న బన్నీ ఇప్పుడు వంద కోట్ల రెమ్యున‌రేష‌న్ అందుకుంటున్నట్టు తెలుస్తుంది. పుష్ప చిత్రంలో అల్లు అర్జున్ నటన అద‌ర‌హో అనే చెప్పాలి. గెట‌ప్‌కి త‌గ్గ‌ట్టు హావ భావాలు అద్భుతంగా పలికిస్తూ శ‌భాష్ అనిపించుకున్నాడు. సుకుమార్ దర్శకత్వంలో తెరకెక్కిన పుష్ప దేశవ్యాప్తంగా ఓ రేంజ్‌లో అదరగొట్టింది. ఈ సినిమాలో అల్లు అర్జున్ నటన ఇటు సౌత్‌తో పాటు అటు నార్త్‌ ఆడియెన్స్‌ను తెగ ఆకట్టుకుంది.
అల్లు అర్జున్ ప్రస్తుతం తన తదుపరి చిత్రం పుష్ప ది రూల్ కోసం సిద్ధమవుతున్నాడు. ఈ సమయంలో అతను తన కుటుంబంతో, ముఖ్యంగా అల్లు అర్హతో నాణ్యమైన సమయాన్ని గడుపుతున్నాడు. ఇటీవ‌ల తన కూతురితో చెస్ ఆడాడు. అందుకు సంబంధించిన పిక్ నెట్టింట తెగ హ‌ల్‌చ‌ల్ చేసింది. అల్లు అర్హతో కలిసి వినాయకుడి నిమజ్జనంలో పాల్గొన్నారు. తమ ఇంట్లో కొలువుదీరిన చిన్ని వినాయకుడికి తండ్రీ కూతుళ్లు ఇద్ద‌రు ఘనంగా వీడ్కోలు పలికారు. రీసెంట్‌గా గంగిగోవు పాలు ప‌ద్యాన్ని చెప్పి పొడుపు క‌థ విప్ప‌మ‌ని చెప్పింది అర్హ. దానికి బన్నీ స‌మాధానంగా జున్ను అని చెబితే అది త‌ప్పు అని త‌ను చెప్పింది.
అలాగే నాలుగు ఎర్ర లారీలు.. నాలుగు తెల్ల లారీలు అనే లైన్‌ను త‌ప్పు లేకుండా ఫాస్ట్‌గా చెప్ప‌మ‌నే మ‌రో ఛాలెంజ్‌ను అర్హ విసిరింది. ఆ ఛాలెంజ్‌లోనూ అల్లు అర్జున్ ఓడిపోయారు. అలా కూతురిగా స‌ర‌దాగా గ‌డుపుతున్న బన్నీ కూతురి కెరీర్ విష‌యంలో ప‌క్కా ప్లానింగ్‌తో ముందుకు వెళుతున్నాడు. ఇటీట‌వ‌ల అర్హ శాకుంత‌లం చిత్రంలో చిన్న పాత్ర పోషించింది. ఫ్యూచ‌ర్ లో కూడా ఆమె ప‌లు సినిమాల‌లో న‌టిస్తుంద‌ని ఇటీవ‌ల వార్త‌లు వ‌చ్చాయి. కానీ బన్నీ మాత్రం తన కొడుకు, కూతురుని వారి చ‌దువులు పూర్త‌య్యే వర‌కు సినీ ఇండస్ట్రీకి దూరంగా ఉంచాలని చూస్తున్నారట. మంచి చ‌దువులు చ‌దివాక వాళ్ల‌కి ఇంట్రెస్ట్ ఉంటే ఇండ‌స్ట్రీలోకి ఆహ్వానిస్తాడ‌ట. పిల్ల‌ల‌పై బన్నీ ప్రేమ‌ని చూసి ఫిదా అవుతున్నారు ఫ్యాన్స్.
