Shehyaz : బాల న‌టుడిగా సినీ పరిశ్ర‌మలోకి అడుగుపెట్టి ఆ త‌ర్వాత క‌మెడీయ‌న్‌గా వంద‌ల కొద్ది సినిమాల‌లో న‌టించి మెప్పించిన న‌టుడు ఆలీ. కొన్ని రోజుల క్రితమే సీఎం జగన్.. ఆలీని ఏపీ ఎలక్ట్రానిక్ మీడియా సలహాదారుడిగా నియమిస్తూ ఆదేశాలు జారీ చేశారు. ఇక ఆదివారం రోజు సాయంత్రం ఆలీ పెద్ద కుమార్తె ఫాతిమా వివాహం హైదరాబాద్ లో ఘనంగా జరగ‌గా, ఈ వివాహ వేడుకకి మెగాస్టార్ చిరంజీవి, నాగార్జున, మురళి మోహన్, బ్రహ్మానందం లాంటి సినీ ప్రముఖులంతా హాజరై సందడి చేశాడు. ఆలీ వైసిపి లో కొనసాగుతున్నారు కాబట్టి మంత్రి రోజా కూడా హాజ‌ర‌య్యారు. త్వరలో గుంటూరులో రిసెప్షన్ వేడుక జ‌ర‌ప‌నుండ‌గా, ఈ రిసెప్షన్ కి సీఎం జగన్, ఇతర మంత్రులు హాజరు కానున్నట్లు టాక్.
ఈ త‌రుణంలో ఆలీ అల్లుడు ఏం చేస్తుంటాడు, ఆయనకు ఆస్తులు ఉన్నాయా అనే విష‌యంపై చ‌ర్చ న‌డుస్తుంది. ఆలీ కూతురు ఫాతిమా విషయానికి వ‌స్తే .. ఆమె చిన్న‌ప్ప‌టి నుండి చాలా చురుకుగా ఉంటూ డాక్టర్ కోర్స్ పూర్తిచేసి వారి కుటుంబంలో మొట్టమొదటి డాక్టర్ అయి తండ్రి గ‌ర్వ‌ప‌డేలా చేసింది. ఇక ఈమె భ‌ర్త షేక్ షెహ్యాజ్ అనే కాగా, ఇత‌ను జమీలా బాబి, జలానీ భాయ్ దంపతుల కుమారుడు. ఆయనకు ఒక అన్నయ్య,ఒక సోదరి ఉన్నారు. షెహ్యాజ్ అన్నయ్య వదినతో పాటు తన సోదరి కూడా డాక్టరే. వీరంతా లండన్ లో ఉంటారు.
షెహ్యాజ్ కుటుంబం ఆర్థికంగా కానీ, విద్యాపరంగా కానీ చాలా ఉన్నత కుటుంబం. ఇంట్లో అందరూ డాక్టర్లే కావడంతో షెహ్యాజ్ కూడా ఎంతో కష్టపడి డాక్టర్ చదివారు. తన కూతురు కూడా డాక్టర్ కావడంతో డాక్టర్ సంబంధాన్ని వెతికి పెళ్లి చేశారు ఆలీ. షెహ్యాజ్ కుటుంబం గుంటూరుకు చెందినవారు కావడంతో త్వరలో వారింట రిసెప్షన్ ప్లాన్ చేస్తున్నారు. ఈ వివాహానికి సంబంధించి అలీ వైఫ్ ప్రతి అప్డేట్ ను ఎప్పటికప్పుడు తన సోషల్ మీడియాలో షేర్ చేసుకుంటూ వ‌స్తుండ‌గా, ఇవి చూసి అభిమానులు తెగ మురిసిపోతున్నారు.
