ఏపీ రాష్ట్ర రాజకీయా సమీకరణలు మొత్తం మారిపోయాయి. ఇప్పుడు జనసేన పార్టీ అధినేత పవన్ కళ్యాణ్ కేంద్రంగా నడుస్తున్న విషయం తెలిసిందే. ఆ మధ్య వైజాగ్ లో పవన్ కళ్యాణ్ పర్యటనని అధికారులు అడ్డుకోవడం మొదలుకొని, మొన్న ఇప్పటం గ్రామాన్ని పవన్ కళ్యాణ్ సందర్శించినంత వరుకు వివాదాలు చెలరేగుతూనే ఉన్నాయి. పవన్ కి జనాల్లో రోజు రోజుకి పెరుగుగుతున్న క్రేజ్ తట్టుకోలేక వైసీపీ ప్రభుత్వం రూ. 250 కోట్లు ఆయన్ని చంపడానికి ముంబైలో ఒక అతనికి సుపారీ ఇచ్చిందని..
ఇందులో భాగంగానే పవన్ కళ్యాణ్ పై గత కొద్ది రోజుల నుండి గుర్తు తెలియని వ్యక్తులు రెక్కీ నిర్వహిస్తున్నారని జనసేన పార్టీ సంచలన ఆరోపణలు చెయ్యగా.. దీనిపై వైసీపీ నాయకులూ తమదైన శైలిలో స్పందించారు. ఇటీవలే వైసీపీ పార్టీ తరుపున ఎలక్ట్రానిక్ మీడియా సలహాదారుడిగా నియమితమైన అలీ కూడా దీనిపై స్పందించారు. ఆయన మాట్లాడుతూ.. పవన్ కళ్యాణ్ గారిని ఎవరో కావాలని తప్పుదోవ పట్టిస్తున్నారు. జగన్ గారికి దొంగచాటున రెక్కీలు నిర్వహించాల్సిన అవసరం లేదు.
ఆయన ఏదైనా ముక్కుసూటిగా వెళ్లే మనిషి. నా మిత్రుడు పవన్ కళ్యాణ్ కూడా అలాంటి వాడే. చెప్పుడు మాటలు వినకుండా నిజానిజాలు ఆయన తెలుసుకుంటే బాగుంటుందని నేను కోరుకుంటున్నా అంటూ అలీ వ్యాఖ్యనించాడు. అలాగే ఇప్పటం గ్రామంలో పవన్ కళ్యాణ్ పర్యటన గురించి మాట్లాడుతూ.. అభివృద్ధిలో భాగంగా ఇళ్ళని కూల్చడం సర్వసాధారణం అయినా ఇప్పటంలో ఒక్క ఇల్లు కూడా ప్రభుత్వం కూల్చలేదు అంటూ చెప్పుకొచ్చాడు అలీ. తాజాగా పవన్ పై అలీ చేసిన వ్యాఖ్యలు నెట్టింట వైరల్ గా మారాయి.
