Akira Nandan : గ‌త కొద్ది రోజులుగా రాజ‌కీయాల‌తో బిజీగా ఉన్న పవన్ కళ్యాణ్ సినిమాల‌తో సంద‌డి చేయ‌డం కాస్త త‌గ్గించాడు. ఏడాదిన్న‌ర త‌ర్వాత త‌న మేన‌ల్లుడు సాయిధ‌ర‌మ్ తేజ్‌తో కలిసి బ్రో అనే సినిమా చేశాడు. ఈ చిత్రం నేడు గ్రాండ్‌గా విడుద‌లైంది. పవన్ కళ్యాణ్, సాయి ధరమ్ తేజ్ కలిసి నటించ‌డంతో అభిమానుల‌లో అంచ‌నాలు భారీగా పెరిగాయి.. తమిళ చిత్రం ‘వినోదయ సీతమ్’కు రీమేక్ గా వచ్చింది. పవన్ కళ్యాణ్ వింటేజ్ యాక్షన్ తో పాటు వన్ మ్యాన్ షోగా థియేటర్లు దద్దరిల్లుతున్నాయి. సినిమాని చూసేందుకు సామాన్యుల‌తో పాటు సెల‌బ్రిటీలు కూడా థియేట‌ర్‌కి క్యూ క‌డుతున్నారు.
ఇక ఈ సినిమా చూసేందుకు పవన్ కొడుకు అకీరా నందన్ సుదర్శన్ థియేటర్ కు వచ్చారు. కాస్ట్లీ కారులో థియేటర్ లోకి ఎంట్రీ ఇచ్చారు. ఈ సందర్భంగా పవన్ కళ్యాణ్ అభిమానులు అకీరాతో సెల్ఫీలు దిగేందుకు ప్రయత్నించారు. ఆయన వెహికిల్ చుట్టూ పవన్ కళ్యాణ్ అభిమానులు చేరిపోయి.. ‘జూనియర్ పవర్ స్టార్’ అంటూ నినాదాలు చేశారు. బాబుల‌కే బాబు అకీరా బాబు అంటూ అరిచి గోల‌పెట్టారు ఇందుకు సంబంధించిన వీడియో నెట్టింట వైరల్ గా మారింది. ఇక అకీరా నందన్ హీరోగా ఎప్పుడు ఇండస్ట్రీలో అడుగుపెట్టబోతున్నారని అభిమానులు ఎదురుచూస్తున్న విషయం తెలిసిందే.
అకీరా సినిమాల‌లోకి ఎంట్రీ ఇవ్వ‌నున్నాడ‌ని వార్తలు వ‌స్తుండ‌డం, అలానే పవన్ స్టార్ ఫ్యాన్స్ కంట పడటంతో ఖుషీ అవుతున్నారు. ‘బ్రో’ చిత్రం చూసేందుకు రావడంతో మరింత సంతోషిస్తున్నారు. అకీరా నందన్ తర్వలోనే ఎంట్రీ ఇవ్వబోతున్నట్టు ప్రచారం జరిగింది. ‘ఓజీ’ సినిమాతోనే ప్రేక్షకులను అలరించబోతున్నట్టు వార్తలు వచ్చాయి. దీనిపై ఎలాంటి అధికారిక ప్రకటన లేదు. ఇప్పటికే ఫ్యాన్స్ ఎప్పుడెప్పుడా అని ఎదురుచూస్తున్నారు. లో అకీరా ఎంట్రీ ఎలా ఉంటుందనేది ఆస‌క్తిగా ఎదురు చూస్తున్నారు. అయితే రేణూ దేశాయ్ మాత్రం త‌న కొడుకు సినిమాల‌లోకి రాడ‌ని చెబుతున్నారు.
