టాలీవుడ్ స్టార్ హీరోయిన్ సమంత మయోసైటిస్ వ్యాధితో బాధపడుతున్నట్టు శనివారం తన ఇన్ స్టా వేదికగా తెలియజేసిన సంగతి తెలిసిందే. ఆమె ప్రకటనతో ఫ్యాన్స్, సినీ ప్రముఖులు షాకయ్యారు. దీంతో ఆమె త్వరగా కోలుకోవాలంటూ సోషల్ మీడియా వేదికగా కోరుకుంటున్నారు అభిమానులు, సెలబ్రెటీలు. యంగ్ టైగర్ ఎన్టీఆర్, శ్రియా, రాశిఖన్నా, సుస్మిత కొణిదెల స్పందిస్తూ.. త్వరగా కోలుకో.. ఎప్పటిలాగే ధైర్యంగా ఉండాలంటూ కామెంట్స్ చేస్తున్నారు. ఎప్పుడూ సోషల్ మీడియాలో యాక్టివ్ గా ఉండే సమంత.. ఉన్నట్టుండి సైలెంట్ కావడంతో పలు వార్తలు తెరమీదకు వచ్చాయి.
కొద్ది రోజులుగా సామ్ అరుదైన చర్మ సమస్యతో బాధపడుతుందని వార్తలు చక్కర్లు కొట్టాయి. సామ్ అనారోగ్యం గురించి వస్తున్న వార్తలు అవాస్తమని కొట్టిపారేశారు ఆమె మేనేజర్. ఇటీవల ఆమె నటించిన ఓ యాడ్ షూట్ ఫోటోస్ బయటకు వచ్చాయి. అందులో సామ్ ముఖం కాస్త వేరుగా కనిపించింది. దీంతో ఆమె సర్జరీ చేయించుకుందని.. అందుకే ఫోటోస్ షేర్ చేయడం లేదంటూ వస్తున్న వార్తలకు మరింత బలం చేకూరింది. ఈ క్రమంలోనే తాను మైసోటిస్ వ్యాధితో ఇబ్బందిపడుతున్నట్లు ప్రకటించి తన అనారోగ్యంపై వస్తున్న వార్తలకు చెక్ పెట్టింది సామ్.
సమంతా మయోసైటిస్ పరిస్థితిపై అక్కినేని స్పందన కోసం సమంత అభిమానులు ఆత్రుతగా ఎదురుచూస్తుండగా.. సామ్ పోస్టు చూసి అఖిల్ అక్కినేని సైతం స్పందించారు. అందరి ప్రేమాభిమానాలే నీకు మరింత బలాన్ని ఇస్తాయి డియర్‌ సామ్ అంటూ అఖిల్ చేసిన కామెంట్స్ నెట్టింట చక్కర్లు కొడుతుంది. ఇది చూసిన నెటిజన్లు మరి నాగ చైతన్య ఇంకా ఎందుకు స్పందించలేదు అంటూ అభిప్రాయపడుతున్నారు. సమంత ఇంత బాధలోనూ యశోద అనే పాన్ ఇండియా సినిమా డబ్బింగ్‌ను పూర్తి చేసింది. ఈ సినిమా నవంబర్ 11న రిలీజ్ కానుంది.
