Akhil Akkineni : అక్కినేని వార‌సుడు అఖిల్‌ని అదృష్టం వ‌రించడం లేదు. మంచి హిట్స్ అనేవి ఆయన చెంత‌కు రావ‌డం లేదు. ఎంత క‌ష్ట‌ప‌డుతున్నా కూడా హిట్ ప‌ల‌క‌రించ‌డం లేదు. భారీ బడ్జెట్ తో, భారీ అంచనాలతో వచ్చిన ఏజెంట్ సినిమా ప్రేక్షకులని మెప్పించలేక దారుణంగా పరాజయం అయింది. ఈ ఫ్లాప్‌తో అఖిల్ చాలా కుంగిపోయిన‌ట్టు తెలుస్తుంది. వ‌రుస విమ‌ర్శ‌లు వ్య‌క్తం అవుతున్న నేప‌థ్యంలో ఆయన ఓ కీల‌క నిర్ణ‌యం తీసుకున్నాడ‌ట. పూర్తి నిరాశలో ఉన్న అఖిల్ బాధ నుండి బయటపడేందుకు. కొన్నాళ్ళు ఒంటరిగా ఉండాలనుకున్నాడట. అందుకే ఒక్కడే దుబాయ్ ట్రిప్ కి వెళ్ళాడట. ఎయిర్ పోర్ట్ లో ఉన్న అఖిల్ ఫోటోలు బయటకు రాగా, ఆయన టూర్ కన్ఫర్మ్ చేశారు.
కొద్దిరోజుల పాటు దుబాయ్ లో అఖిల్ ఉంటాడ‌ని తెలుస్తుంది. అక్క‌డ నుండి వ‌చ్చాక ఆయన కొత్త ప్రాజెక్ట్స్ కి సైన్ చేశారంటూ వార్తలు వస్తున్నాయి. ఈ లిస్ట్ లో ఒకరిద్దరు దర్శకుల పేర్లు వినిపించాయి. ఈ సారి మాత్రం అఖిల్ చాలా ఆలోచించి మంచి ద‌ర్శ‌కుల‌ని ఎంపిక చేసుకొని అద్భుత‌మైన క‌థ‌తో సినిమా చేస్తాడ‌ని టాక్. కాగా, హీరోగా అఖిల్ మొదటి చిత్రం ‘అఖిల్’. తర్వాత హలో, మిస్టర్ మజ్ను చిత్రాలు చేశారు. ఇవి మూడు డిజాస్టర్ అయ్యాయి. నాలుగో చిత్రం మోస్ట్ ఎలిజిబుల్ బ్యాచ్ లర్ తో హిట్ అందుకున్నారు.
అయితే ఏజెంట్ ఫ్లాప్ గురించి తాజాగా నాగచైతన్య మాట్లాడుతూ.. అభిమానులకు మేము మంచి సక్సెస్ ఇవ్వాలనే అనుకుంటాం. వారి అభిమానం, ప్రేమకు మేము తిరిగి ఇచ్చేది ఒక మంచి సినిమానే. ఇటీవల మా ఫ్యామిలీ నుంచి వచ్చిన కొన్ని సినిమాలకు మంచి రిజల్ట్ రాలేదు. యాక్టర్స్ కెరీర్ లో ఇలాంటి ఎత్తుపల్లాలు సహజమే అని అన్నారు. అయితే ఈ టైం వెళ్ళిపోతుంది. తప్పకుండా మేము మళ్ళీ ప్రేక్షకులని అలరిస్తాము. మా ఫ్యాన్స్ ఆశించే ఫలితం కస్టడీ నుంచి రాబోతుందని నేను నమ్ముతున్నాను అని చైతూ కాన్ఫిడెంట్‌గా చెప్పుకొచ్చారు.
