Ajay Ghosh : ఆర్ఎక్స్ 100 చిత్రం త‌ర్వాత అజయ్ భూపతి , పాయల్‌ రాజ్‌పుత్ కాంబినేషన్‌లో రూపొందిన చిత్రం మంగళవారం. హార్రర్ కామెడీ జోనర్‌లో ఫీ మేల్ ఓరియెంటెడ్‌ స్టోరీతో వస్తోన్న ఈ సినిమా నుంచి ఇప్పటికే లాంఛ్ చేసిన టైటిల్‌, కాన్సెప్ట్‌ పోస్టర్లు తెగ ఆక‌ట్టుకున్నాయి. చిత్రంలో అజ్మల్, నందిత శ్వేత, దివ్య పిళ్లై, రవీంద్ర విజయ్, అజయ్ ఘోష్, శ్రీ తేజ్, శ్రవణ్ రెడ్డి తదితరులు నటించారు. నవంబర్ 17తేదీన తెలుగు, తమిళ, హిందీ, కన్నడ, మలయాళ భాషల్లో ఈ చిత్రాన్ని రిలీజ్ చేయ‌నున్నారు. మంగళవారం సినిమా డార్క్ మిస్టీరియస్ థ్రిల్లర్ కాగా, తెలుగు నేటివిటితో ఈ సినిమాను పూర్తిగా అవుట్ డోర్‌‌లోనే షూట్ చేశామ‌ని దర్శకుడు చెప్పారు.
కొత్త కొత్త పాయింట్స్‌తో సినిమా ఉంటుంది.ట్విస్టులు రివీల్ చేసే క్రమం ఆడియెన్స్‌ను థ్రిల్ చేస్తుంది.ఇది హారర్ సినిమా కాదు. ఒక అమ్మాయి భావోద్వేగమైన జీవితానికి సంబంధించిన కథ అని అజయ్ భూపతి అన్నారు. స్వాతి – సురేశ్ సంయుక్తంగా నిర్మించిన ఈ సినిమాకి, అజనీశ్ లోక్ నాథ్ సంగీతాన్ని అందించాడు. ఇటీవ‌ల చిత్ర ప్రీ రిలీజ్ వేడుక నిర్వ‌హించ‌గా, ఈ కార్య‌క్ర‌మానికి అల్లు అర్జున్ చీఫ్ గెస్టుగా హాజ‌ర‌య్యారు. హైదరాబాద్ – జేఆర్సీ కన్వెన్షన్ సెంటర్లో ప్రీ రిలీజ్ ఈవెంట్ జరిగింది. ఈ వేదికపై నటుడు అజయ్ ఘోష్ మాట్లాడుతూ .. “నేను చాలామంది హీరోలతో చేస్తున్నాను. నా గుండెల్లో గూడుకట్టుకున్న హీరోల్లో మొట్టమొదటివాడు అల్లు అర్జున్. ‘పుష్ప’కి ముందు అజయ్ ఘోష్ వేరు .. ‘పుష్ప’ తరువాత అజయ్ ఘోష్ లెక్కవేరు. నాకు ఇంతటి పేరు రావడానికి కారకుడు సుకుమార్ .. అల్లు అర్జున్” అని అని అన్నారు.
“అల్లు అర్జున్ తెలుగువాడి సత్తాను నేషనల్ లెవెల్లో చాటిచెప్పాడు. అలాంటి నటుడిని ఇంతవరకూ నేను చూడలేదు. నటుల్లో ఎవరైనా నటించేవారుంటే ఆయన ఎంతగా ప్రోత్సహిస్తాడనడానికి నేనే ఉదాహరణ. అలాంటి అర్జున్ గెస్టుగా వస్తున్నాడంటే ‘మంగళవారం’ మరో లెవెల్లో ఉంటుంది” అంటూ చెప్పారు.మంగళవారం చిత్రం ప‌లు భాష‌ల‌లో విడుద‌ల కానుండ‌గా, . తమిళంలో చువ్వై కల్మయై, మలయాళంలో చువ్వై ఛా, హిందీలో మంగళవారం అనే టైటిల్స్‌తో రిలీజ్ చేస్తున్న‌ట్టు దర్శకుడు అజయ్ భూపతి తెలిపారు.
