Aha Naa Pellanta Series : సీనియర్ హీరో రాజశేఖర్ కుమార్తె, యంగ్ హీరో రాజ్ త‌రుణ్ ప్ర‌దాన పాత్ర‌ల‌లో రూపొందిన వెబ్ సిరీస్ అహ నా పెళ్లంట. ఈ వెబ్ సిరీస్ లో హర్షవర్ధన్, ఆమని, పోసాని కృష్ణ మురళి, తాగుబోతు రమేష్, గెటప్ శ్రీను వంటి వారి కీలక పాత్రలో నటించారు. ఈ వెబ్ సిరీస్ నవంబర్ 17వ తేదీ నుంచి స్ట్రీమ్ అవుతుంది. జీ5లో విడుదలైన `అహనా పెళ్ళంట` వెబ్ సిరీస్ ఏకంగా 50 మిలియన్స్‌ వ్యూయింగ్‌ మినిట్స్ మార్క్ ని రీచ్ అయింద‌నే విష‌యాన్ని తాజాగా చిత్ర బృందం వెల్ల‌డంచింది. ఇక ఐఎండీబీ ప్ర‌క‌టించిన టాప్ టెన్ ప్రేక్ష‌కాద‌ర‌ణ పొందిన వెబ్ సిరీస్‌ల లిస్టులోనూ ‘అహ నా పెళ్ళంట’ చోటు ద‌క్కించుకుంద‌నే విష‌యాన్ని వాళ్లు తెలియ‌జేశారు.
తెలుగులో రూపొందిన ఈ రొమాంటిక్ కామెడీ ఎంట‌ర్‌టైనింగ్ సిరీస్‌ను అన్నీ భాష‌ల్లో ప్ర‌మోట్ చేయ‌గా, కంటెంట్ బాగుండ‌డంతో అన్ని వ‌ర్గాల ప్రేక్ష‌కుల నుండి మంచి రెస్పాన్స్ ద‌క్కించుకుంది. ఈ వెబ్ సిరీస్ లో రఘు కారుమంచి, మధునందన్, కృతికా సింగ్, తాగుబోతు రమేష్, గెటప్ శీను, భద్రం, త్రిశూల్, దొరబాబు, వరంగల్ వందన, రాకేష్ రాచకొండ వంటి వారు ప్ర‌ధాన పాత్ర‌ల‌లో క‌నిపించి మెప్పించారు. ఏబిసిడి సినిమా దర్శకుడు సంజీవ్ రెడ్డి ఈ వెబ్ సిరీస్ కు దర్శకత్వం వహించ‌గా, కళ్యాణ్ రాఘవ్ డైలాగ్స్ అందించారు.
క‌థ విష‌యానికి వ‌స్తే..ఓ పాతికేళ్ల యువ‌కుడు పెళ్లి చేసుకోవాల‌ని భావించ‌గా, ఆ స‌మ‌యంలో అత‌ను ఎదుర్కొన్న స‌మ‌స్యలేంట‌నే నేప‌థ్యంలో వెబ్ సిరీస్ రూపొందించారు. . క‌థానాయ‌కుడు పెళ్లి చేసుకోవాల‌నుకున్న పెళ్లి కూతురు వేరే వాడితో వెళ్లిపోతుంది. అప్పుడు హీరో ఆమెపై ప్ర‌తీకారం తీర్చుకోవాలనుకోగా, అప్పుడు క‌థ ఎలాంటి మ‌లుపులు తీసుకుంద‌నేదే సినిమా. ఇది సినీ విమ‌ర్శ‌కుల ప్రశంసలను అందుకోవ‌డంతో పాటు అంద‌రిని ఎంత‌గానో ఆక‌ట్టుకుంటుంది. శివాని రాజశేఖర్ ఎలా అయినా హీరోయిన్ గా నిలదొక్కుకునేందుకు అనేక ప్రయత్నాలు చేయ‌గా ఆమెకు ఇది మంచి ప్ల‌స్ అవుతుంద‌నే చెప్పాలి.
