Actress Prabha : అలనాటి సీనియర్ నటి ప్రభ గురించి ఈ నాటి వారికి పెద్ద‌గా తెలియ‌క‌పోవ‌చ్చు కాని అప్ప‌టి వారికి మాత్రం ఈవిడ చాలా సుప‌రిచితం. ఒకప్పుడు ఎవర్ గ్రీన్ లాగా వెలిగిన ప్రభ.. ఆనాటి గొప్ప నటులు అయిన స్వర్గీయ సీనియర్ ఎన్టీఆర్ మరియు నాగేశ్వరరావు లాంటి వారితో కలిసి నటించి మంచి పేరు ప్ర‌ఖ్యాత‌ల‌ని సంపాదించుకుంది. అలా కొంతకాలం తర్వాత క్యారెక్టర్ ఆర్టిస్ట్ గా అడపా దడపా సినిమాలు చేస్తూ కాలాన్ని వెళ్లదీసింది. ఇప్పుడు ఉన్న ఫాస్ట్ జనరేషన్ ప్రేక్షకులకు ఆమె గురించి తెలిసింది చాలా త‌క్కువే అని చెప్పాలి..
‘భూమి కోసం’ సినిమాతో ఇండస్ట్రీలో అడుగు పెట్టిన సీనియర్ హీరోయిన్ కమ్ నటి ప్రభ ఎన్నో చిత్రాలలో నటించి మెప్పించారు. ఒక్క చంద్రమోహన్ కు జోడిగా దాదాపు 18 చిత్రాలకు పైగానే నటించి వావ్ అనిపించింది. అప్పట్లో వీరిది హిట్ పెయిర్ గా గుర్తింపు తెచ్చుకున్నారు. హీరో మురళి మోహన్ తో కూడా పదహారు చిత్రాలలో నటించారు ప్రభ. అయితే ఈమెకు చాలా గోల్డెన్ ఛాన్సులు మిస్ అయ్యాయని అనిచాలా మంది అంటారు.. మెగాస్టార్ చిరు నటించిన ‘ఖైదీ’ చిత్రంలో సుమలత పాత్రకు మొదట ప్రభాను అనుకున్నారట. కానీ డేట్స్ అడ్జెస్ట్ కాక ఆ ఛాన్స్ మిస్ అయ్యిందట.
ప్రభా జేమ్స్ బాండ్, బెంగాల్ టైగర్ వంటి చిత్రాలలోనూ నటించింది. త‌ల్లి, వ‌దిన పాత్ర‌ల‌లో నటించి మెప్పించింది. సీరియ‌ల్స్ లో సైతం ప్రభ నటించి బుల్లితెర ప్రేక్ష‌కుల‌ని సైతం అలరించింది. అయితే తెనాలిలో పుట్టిన‌ప్ప‌టికి గోక‌ర్ణ‌పురంలో జ‌న్మించింది ప్రభ.. ఆమెకు ఇక్క‌డే కొడుకు కూడా పుట్టాడు. అయితే సినిమాల‌లో అవ‌కాశాలు వ‌చ్చాక చెన్నైకి వెళ్లిన ప్రభ తర్వాత కొన్నాళ్లు హైద‌రాబాద్ లో ఉంది. ఆమె సినిమా షూట్‌లో ఉన్నప్పుడు కారు పక్కకు ఒరిగిపోయి, రేడియేటర్‌లోని వేడినీళ్లు ఆమె కాళ్లపైకి చిందిన యాక్సిడెంట్‌కు గురైంది. ఆమె దాదాపు రెండు నెలల పాటు ఆ కాలిన గాయాలతో బాధపడింది.ఈ విష‌యాన్ని ఆమె పాల్గొన్న ప‌లు టీవీ షోల‌లో తెలియ‌జేసింది.
