Achennaidu : ఏపీ స్కిల్ డెవలప్‌మెంట్ స్కీమ్ స్కామ్ కేసులో టీడీపీ అధినేత చంద్రబాబునాయుడు అరెస్ట్ కాగా, ఇప్పుడు ఈ వ్య‌వ‌హారం ప్ర‌కంప‌న‌లు పుట్టిస్తుంది. చంద్ర‌బాబుని అరెస్ట్ చేయ‌డం పట్ల టీడీపీ నాయ‌కులు తెగ ఆగ్ర‌హం వ్యక్తం చేస్తున్నారు. తాజాగా అచ్చెన్నాయుడు ఆగ్ర‌హం వ్యక్తం చేస్తూ ఆడియో విడుద‌ల చేశారరు. ఏసీ సీఎం జగన్‌కి పిచ్చి పరాకాష్టకు చేరిందన్న ఆయన.. 14 ఏళ్లు ఈ రాష్ట్రానికి సేవలు అందించిన చంద్రబాబును అరెస్టు చెయ్యడమేంటని ప్రశ్నించారు. తెలుగు ఖ్యాతిని ప్రపంచవ్యాప్తంగా చాటిన చంద్రబాబు సేవల్ని దేశవ్యాప్తంగా అందరూ మెచ్చుకున్నారని అన్నారు.
చంద్రబాబు ఉగ్రవాది కాదు, పారిపోరు, దాక్కొని తప్పించుకునే వ్యక్తి కాదు. కేంద్రం ఇచ్చిన NSG ప్రొటెక్షన్ కలిగిన వ్యక్తి, అలాంటి ఆయన పట్ల ఇలా ప్రవర్తించి, ప్రతి ఒక్కరూ అసహ్యించుకునేలా చేశారు” అని అన్నారు. “ఇది ప్రజాస్వామ్యానికి చీకటి రోజు.. ఏపీని చీకట్లోకి నెట్టారు” అని మండిపడ్డారు. తాను గానీ, చంద్రబాబు గానీ ఒక్క రూపాయి అవినీతికి పాల్పడినట్లు నిరూపిస్తే, పీక కోసుకుంటాననీ, రాజకీయాల నుంచి తప్పుకుంటాను అన్నారు అచ్చెన్నాయుడు. తాజాగా విడుద‌లైన వీడియోలో చంద్రబాబు అరెస్టయినా కార్యకర్తలు రోడ్ల మీదకు రావడం లేదంటూ అచ్చెన్నాయుడు ఆక్రోశం వెళ్లగక్కుతున్నట్లుగా చూపిస్తోంది. వెంటనే జన సమీకరణ చేయాలంటూ నాయకులతో అచ్చెన్నాయుడు టెలీ కాన్ఫరెన్స్‌ నిర్వహించనట్లుగా ఆడియోలో తెలుస్తోంది.
ప్రజలు రోడ్ల మీదకు రావడం లేదంటూ అచ్చెన్నాయుడు అసంతృప్తి వ్యక్తం చేస్తూ పెద్ద ఎత్తున కార్యకర్తలను రోడ్డు మీదకు తీసుకురావాలంటూ ఆదేశాలిచ్చారు. మహిళలను తీసుకొస్తే పోలీసులు అడ్డుకోరంటూ నాయకులకు సలహాలు ఇస్తున్నారు.. కష్టాల్లో ఎవరైనా ఉంటే.. వెంటనే ముందుగా చంద్రబాబు స్పందిస్తారనీ అలాంటి ఆయన్ని… రాత్రి 10 గంటలపాటూ ప్రశ్నించి, 2 రోజులు నిద్రలేకుండా చేశారని మండిపడ్డారు. రోడ్డుపై ఆందోళన చేస్తున్న టీడీపీ శ్రేణులను పోలీసులు లాఠీఛార్జి చేశారని ఫైర్ అయ్యారు.ఏపీ స్కిల్ డెవలప్‌మెంట్ స్కీమ్ స్కామ్‌లో రూ.241 కోట్లు అవినీతి జరిగిందనే అభియోగాలతో.. ఏపీ సీఐడీ పోలీసులు శనివారం ఉదయం 6 గంటలకు చంద్రబాబు నాయుడిని నంద్యాలలో అరెస్టు చేసిన విష‌యం తెలిసిందే.
