Samantha : నాగ చైత‌న్య- శోభిత ఎంగేజ్‌మెంట్ తర్వాత సోష‌ల్ మీడియాలో అనేక వార్తలు ప్రచారం జ‌రుగుతుండ‌డం మ‌నం చూస్తూనే ఉన్నాం. చైతో నిశ్చితార్థం తర్వాత శోభిత హాట్‌టాపిక్‌ అవుతుంది. ఈ దెబ్బతో సమంత కూడా వార్తల్లో నిలుస్తుంది. వీరికి సంబంధించిన రీల్స్‌, చైతూ-సమంత పాత వీడియోలు, ఫోటోలు వైరల్ అవుతున్నాయి. అయితే సమంత కూడా ఇప్పుడు ఓ డైరెక్ట‌ర్‌తో డేటింగ్‌లో ఉందంటూ నెట్టింట పలు ప్ర‌చారాలు సాగుతున్నాయి. సమంతని ఫ్యామిలీ మ్యాన్ సిరీస్ తో బాలీవుడ్ కి పరిచయం చేసారు రాజ్ &డీకే.
వీరిద్దరూ దర్శక నిర్మాతలుగా పలు సినిమాలు, సిరీస్ లు నిర్మిస్తున్నారు. వీరిలో రాజ్ నిడుమోరుతో సమంత డేటింగ్ లో ఉందని సమాచారం. ఫ్యామిలీ మ్యాన్ 2తో పరిచయమయిన వీరు ఆ తర్వాత సిటాడెల్ సిరీస్ లో కూడా కలిసి పనిచేసారు. ఈ సమయంలో రాజ్ – సమంత మధ్య మంచి స్నేహం ఏర్పడింది. వీరు ఇద్దరూ డేటింగ్ చేస్తున్నారని, లవ్ లో ఉన్నారని ఇప్పుడు బాలీవుడ్ లో వార్తలు వైరల్ అవుతున్నాయి.గతంలో కూడా వీరిద్దరూ కలిసి దిగిన ఫోటోలు చాలానే వైరల్ అయ్యాయి. సమంత పుట్టిన రోజుని రాజ్ గ్రాండ్ గా సెలబ్రేట్ చేసాడు.
ఇప్పుడు సమంత – రాజ్ లవ్ లో ఉన్నారని, డేటింగ్ చేస్తున్నారని బాలీవుడ్ వార్తలు వస్తున్నాయి. మ‌రి ఇందులో నిజం ఎంత ఉంద‌నేది తెలియాల్సి ఉంది. కాగా, భవిష్యత్తులో నెట్‌ఫ్లిక్స్‌ తో కలిసి ‘రక్త్‌ బ్రహ్మాండ్‌’ అనే వెబ్‌ సిరీస్ ప్రకటించారు రాజ్ . ఇందులో సమంత నటించే అవకాశాలు ఉన్నట్టు విశ్వసనీయ సమాచారం. అయితే గతంలో సమంత నటించి ‘ఫ్యామిలీ మ్యాన్ 2’ సిరీస్ నుంచే చై-సామ్‌కు మనస్పర్థలు వచ్చాయని, వీరి విడాకులు ఇది కారణమనేది అప్పట్లో జోరుగా ప్రచారం జరిగింది. ఇప్పుడు అదే వెబ్‌ సిరీస్ తీసిన దర్శకుల్లో ఒకరైన రాజ్ నిడిమోరుతో సమంత డేటింగ్ పుకార్లు బయటకు రావడం గమనార్హం. దీనిపై సమంత ఎలాంటి క్లారిటీ ఇస్తుందా లేదా అనేది చూడాలి.
