బాహుబ‌లి సినిమాతో పాన్ ఇండియా స్టార్‌గా మారిన ప్రభాస్ ప్ర‌స్తుతం హై బ‌డ్జెట్ చిత్రాలు చేస్తున్నాడు. గ‌త కొంత కాలంగా వ‌రుస ఫ్లాపుల‌ని చ‌వి చూస్తున్న డార్లింగ్ రానున్న రోజులలో వ‌రుస హిట్స్‌తో అల‌రించ‌బోతున్న‌ట్టు స‌మాచారం. సలార్, ప్రాజెక్ట్ కె’ ఫిల్మ్స్‌ షూటింగ్స్‌లో ప్యార్ల‌ల్‌గా పాల్గొంటున్నాడు. ‘అర్జున్ రెడ్డి, కబీర్ ఖాన్, యానిమల్’ ఫేమ్ సందీప్ రెడ్డి వంగ డైరెక్షన్‌లో ప్రభాస్ తన 25వ పిక్చర్ చేయబోతున్నాడు. ఈ చిత్రానికి ‘స్పిరిట్’ అనే టైటిల్ ఖరారు చేశారు. ఈ చిత్రంలో కథానాయికగా ఎవరు నటిస్తారనేది తెలియాల్సి ఉంది. మ‌రోవైపు బాలీవుడ్ డైరెక్ట‌ర్స్‌తోను ప్రభాస్ సినిమా చేయబోతున్నాడు.
ప్రభాస్ ఆతిథ్యం గురించి ప్ర‌త్యేకంగా చెప్ప‌న‌క్క‌ర్లేదు. త‌న‌కి సంబంధించిన వాళ్ల‌ని ఎంత చ‌క్క‌గా చూసుకుంటార‌నేది అంద‌రికి తెలిసిన విష‌య‌మే. గ‌తంలో త‌న‌తో ప‌ని చేసిన టీంకి ఇంటి నుండి స్వ‌యంగా త‌యారు చేయించిన ఫుడ్ తెప్పించి క‌డుపు నింపే వాడు. ఆ మ‌ధ్య ప్రాజెక్ట్ కె చిత్ర షూటింగ్ హైద‌రాబాద్‌లో జ‌రుగుతున్న స‌మయంలో ప్రభాస్ పెద్ద పార్టీ ఏర్పాటు చేశాడు. ఈ పార్టీలో అమితాబ్ బచ్చన్, దుల్కర్ సల్మాన్, నాని, లతో పాటు దర్శకేంద్రుడు రాఘవేంద్రావు కూడా పాల్గొన్నారు. మళ్లీ ఇలాంటి ఫ్రేమ్ కుదరదని ఇలాంటి సందర్భం మళ్లీ రాదని భావించారో ఏమో గానీ హీరో ప్రభాస్ ప్రశాంత్ నీల్ రాఘవేంద్రరావు హీలు నాని దుల్కర్ సల్మాన్ దర్శకుడు నాగ్ అశ్విన్ ..బాలీవుడ్ సూపర్ స్టార్ అమితాబ్ బచ్చన్ తో కలిసి ఫొటోలకు పోజులిచ్చారు.
ఇక తాజాగా ప్రభాస్ టాప్ డైరెక్టర్స్ అంద‌రికి కలిసి పార్టీ ఇచ్చినట్టుతెలుస్తుంది. తాజాగా ప్రభాస్ ఇంట్లో పార్టీ ఏర్పాటు చేశార‌ని, ఆ పార్టీలో రాజ‌మౌళి, క్రిష్‌, అనీల్ రావిపూడి, హ‌రీష్ శంక‌ర్, నాగ్ అశ్విన్, సందీప్, వంశీ పైడిప‌ల్లి, కొర‌టాల శివ, సుకుమార్ త‌దిత‌రులు పాల్గొన్నారు. ఈ టాప్ డైరెక్టర్స్ అంతా ప్రభాస్ ఇంట్లో నానా రచ్చ చేసిన‌ట్టు తెలుస్తుంది. ప్ర‌స్తుతం పార్టీకి సంబంధించిన పిక్స్ స సోష‌ల్ మీడియాని షేక్ చేస్తున్నాయి. ఈ పిక్ చూసి ఫ్యాన్స్ మైమ‌ర‌చిపోతున్నారు.
