Sai Pallavi Sister : దక్షిణాది సినీ పరిశ్రమలో లేడి సూప‌ర్ స్టార్ సాయి పల్లవికి ఉన్న క్రేజ్ గురించి ప్రత్యేకంగా చెప్పాల్సిన పనిలేదు. అందం, అంతకుమించిన అభినయంతో ఎంతోమంది అభిమానులను సొంతం చేసుకున్న ఈ అందాల ముద్దుగుమ్మ తన అందంతో, అభినయంతో పాటు డ్యాన్స్‌తోను తెగ రచ్చ చేస్తుంటుంది. సోషల్ మీడియాలో సాయి పల్లవి ఎక్కువ యాక్టివ్‌గా ఉండదన్న సంగతి తెలిసిందే. అయితే సాయి పల్లవి అప్పుడప్పుడు వేసే పోస్టులు, షేర్ చేసే ఫోటోలు వైరల్ అవుతుంటాయి. సాయి పల్లవి తన చెల్లి పూజా కన్నన్ పిక్స్, వీడియోల‌తో కూడా సంద‌డి చేస్తుంటుంది.
సాయిపల్లవి చెల్లెలు పూజా కన్నన్ కూడా సాయిపల్లవి బాటలోనే నడుస్తుందంటూ, త్వరలోనే ఆమె సినిమాల్లోకి ఎంట్రీ ఇస్తుందని గతంలో పలు రూమర్లు, వార్తలు వచ్చాయి. కాని దానిపై ఎలాంటి క్లారిటీ లేదు. పూజా కన్నన్ ఓ సినిమా కూడా చేసింది. కానీ అది అంతగా క్లిక్ అవ్వలేదు. తెలుగులోకి ఆ సినిమాను డబ్ కూడా చేయలేదు. దీంతో పూజ కన్నన్ సినిమాల విషయంలో వెనక్కి తగ్గినట్టు అనిపిస్తోంది.సాయి పల్లవి, పూజా కన్నన్ ఇద్దరూ కూడా చూసేందుకు ఒకేలా కనిపిస్తూ ఉంటారు.
స్టంట్ డైరెక్టర్ సిల్వ దర్శకుడిగా మారి చిత్తారాయి సెవ్వనం అనే సినిమాను తీశాడు. దీంట్లో సముద్రఖని, పూజా కన్నన్ ప్రముఖ పాత్రల్లో కనిపించారు. అయితే పూజా కన్నన్ తాజాగా తన ఫ్యామిలీకి స‌డెన్ స‌ర్‌ప్రైజ్ ఇచ్చింది. ఎక్క‌డికో వెళ్లి వ‌చ్చిన పూజా కన్నన్ ఫ్యామిలీ అంద‌రిని ఆనందంలో ముంచెత్తింది. సాయి పల్లవి చెల్లెలిని చూసి ప్ర‌తి ఒక్క‌రు ఆమెని ముద్దుల‌తో ముంచెత్తారు. పెట్ డాగ్ అయితే పూజాపై తెగ ప్రేమ చూపించింది. ఇది ప్ర‌తి ఒక్క‌రిని ఆక‌ట్టుకుంది. సాయి పల్లవి ఈ త‌తంగం మొత్తం తన ఫోన్ లో రికార్డ్ చేసి ఆ వీడియోని సోషల్ మీడియాలో పోస్ట్ చేయ‌డం గ‌మ‌న‌ర్హం.
