Manchu Manoj : మంచు మోహ‌న్ బాబు త‌న‌యుడు మంచు మనోజ్ సినిమాల‌తో అల‌రించ‌క చాన్నాళ్లే అవుతుంది. ఆయ‌న ఇటీవ‌ల రెండు సినిమాలు అనౌన్స్ త్వ‌ర‌లోనే ఆ చిత్రాల‌తో ప్రేక్ష‌కుల‌ని ప‌ల‌క‌రిస్తాన‌ని అన్నాడు. ఇక రెండో పెళ్లి చేసుకొని కూడా హాట్ టాపిక్ అయ్యాడు మనోజ్. ఈ మంచు వార‌బ్బాయి తన పెళ్లి తర్వాత ఎక్కువగా వార్తల్లో నిలుస్తూ ఉండ‌డం మ‌నం చూస్తూనే ఉన్నాం. షోలల్లో పాల్గొనడం, ఈవెంట్స్ కు తన భార్య భూమా మౌనికా రెడ్డితో కలిసి హాజరవ్వడం చేస్తూ అందరి దృష్టి త‌మ‌పై ప‌డేలా చేస్తున్నాడు. ఇక ఆ మ‌ధ్య‌న ఓ బిగ్గెస్ట్ రియాలిటీ షో చేయబోతున్నట్లుగా తెలిపారు. దీంతో అందరి చూపు మనోజ్ పై పడింది. తాజాగా మరోసారి ఇండస్ట్రీలో హాట్ టాపిక్ గా మారాడు మనోజ్.
ముంబైలో జరిగిన ముకేశ్ అంబానీ ఈవెంట్ లో తన భార్యతో కలిసి సందడి చేశాడు మనోజ్. ఇది చూసిన నెటిజన్లు మనోజ్ రేంజ్ మామూలుగా లేదుగా అంటూ కితాబిస్తున్నారు. ఇక్కడ మరో విశేషం కూడా ఉంది. అది తెలిస్తే మీరు షాక్ అవ్వాల్సిందే. మంచు మనోజ్-మౌనికా రెడ్డి దంపతులు ముంబైలో సందడి చేశారు. రిలయన్స్, జియో అధినేత ముకేశ్ అంబానీకి సంబంధించిన ఓ ఈవెంట్ లో వీరిద్దరు పాల్గొన్నారు. ముంబైలో అత్యంత లగ్జరీ మాల్ ‘జియో వరల్డ్ ప్లాజా’ని బుధవారం ప్రారంభించ‌గా, ఈ కార్యక్రమానికి ఎందరో సెలబ్రిటీలు వచ్చారు. కానీ తెలుగు నుంచి ఆహ్వానం అందిన ఏకైక హీరో మాత్రం మంచు మనోజ్ ఒక్కడే కావడం విశేషం.
జాగా జరిగిన ‘జియో వరల్డ్ ప్లాజా’ లాంచ్ ఈవెంట్ కి సల్మాన్ ఖాన్, రణవీర్ సింగ్, అలియా భట్, కరీనా కపూర్, జాన్వీ, దీపికా.. ఇలా బాలీవుడ్ స్టార్స్ తో పాటు రష్మిక మందన్న, శోభిత మరికొందరు టాలీవుడ్ తారలు కూడా కనిపించారు.మొత్తానికి ఈ ఈవెంట్‌లో మనోజ్ తన భార్యతో మెర‌వ‌డం అందరి దృష్టిని ఆక‌ర్షిస్తుంది. ఇక మనోజ్ నటిస్తున్న ‘వాట్ ది ఫిష్’ సినిమా విషయానికి వస్తే.. నూతన దర్శకుడు వరుణ్ కోరుకొండ ఈ చిత్రాన్ని డైరెక్ట్ చేస్తున్నాడు. ఈ మూవీ నుంచి ఇప్పటివరకు మనోజ్ అండ్ వెన్నెల కిశోర్ లుక్స్ తప్ప మరో అప్డేట్ లేదు.
