Manchu Lakshmi : మోహన్ బాబు తనయ మంచు లక్ష్మీ గురించి ప్రత్యేకంగా చెప్పనక్కర్లేదు. నటిగా, నిర్మాతగా, హోస్ట్గా అదరగొట్టిన ఈమె ఇప్పుడు అంతగా ఆఫర్స్ అంది పుచ్చుకోలేకపోతుంది. ఈ అమ్మడు ఇప్పుడు సోషల్ మీడియాలో తెగ రచ్చ చేస్తుంది. ఇక ముంబైకి మకాం మార్చిన ముద్దుగుమ్మ పలు ఇంటర్వ్యూలు ఇస్తూ ఆసక్తికర కామెంట్స్ చేస్తుంది. ప్రస్తుతం బాలీవుడ్ లో ఆఫర్ల కోసం ట్రై చేస్తుంది మంచు లక్ష్మి. ఇటీవలే యక్షిణి సిరీస్ తో ప్రేక్షకుల ముందుకు వచ్చింది. తాజాగా మంచు లక్ష్మి బాలీవుడ్ లో ఇచ్చిన ఓ ఇంటర్వ్యూలో ఆసక్తికర వ్యాఖ్యలు చేసింది.
“ముంబైకి నేను షిఫ్ట్ అయినప్పుడు అక్కడ ఉండటానికి నాకు అపార్ట్మెంట్ అంటూ ఏది లేదు. దాంతో రామ్ చరణ్ ఇంట్లోనే ఉన్నాను. ఈ విషయం నేను ఎవరికీ చెప్పలేదు. ఎందుకంటే ఒకవేళ చెబితే మీరు రామ్ చరణ్ ఇంట్లో ఉంటున్నారు కదా.. మీకు పని చేయాల్సిన అవసరం ఏంటని అంటారు.. దుకే నేను రామ్ చరణ్ ఇంట్లో సీక్రెట్గా ఉన్నాను. నేను ఇక్కడ ఉంటున్నట్లు ఎవరికీ చెప్పొద్దని చరణ్కి కూడా చెప్పాను. దానికి అతను నేనెందుకు చెబుతాను అన్నాడు. కానీ, నా నోరు ఆగదు కదా. ఇప్పుడు నేనే చెప్పేశా. కానీ, అంత అందమైన ఇంట్లో ఉండటానికి నాకు మనసొప్పలేదు. దీంతో నేను వెళ్లిపోతానని చెప్పాను. కానీ, నీకు నచ్చినన్నీ రోజులు నా ఇంట్లో ఉండమని చరణ్ చెప్పాడు. అలా ఎన్ని రోజులు ఉన్నానో కూడా చరణ్కి తెలీదు” అని మంచు లక్ష్మీ చెప్పుకొచ్చారు.
![Manchu Lakshmi : రామ్ చరణ్ ఇంట్లో కొన్నాళ్ల పాటు సీక్రెట్గా ఉన్నాను.. మంచు లక్ష్మీ ఆసక్తికర కామెంట్స్ Manchu Lakshmi interesting comments on ram charan home](https://i0.wp.com/telugunews365.com/wp-content/uploads/2024/07/manchu-lakshmi.jpg?resize=1200%2C675&ssl=1)
ఇటీవల యక్షిణి అనే తెలుగు హారర్ వెబ్ సిరీస్తో ఓటీటీ ప్లేక్షకుల ముందుకు వచ్చారు మంచు లక్ష్మీ. డిస్నీ ప్లస్ హాట్స్టార్లో 6 ఎపిసోడ్స్తో స్ట్రీమింగ్ అవుతోన్న యక్షిణి వెబ్ సిరీసులో మంచు లక్ష్మీ జ్వాల పాత్రలో నటించారు.. మంచు – మెగా ఫ్యామిలీ అనుబంధం గురించి తెలిసిందే. వీరి మధ్య ఉన్న స్నేహంతోనే మంచు లక్ష్మి చరణ్ ని అడిగి తాను ముంబైలో అపార్ట్మెంట్ తీసుకునేవరకు అక్కడ చరణ్ ఇంట్లో ఉంది. సినీ ఇండస్ట్రీలోని 142 మంది ఆర్టిస్టులతో ఓ వాట్సాప్ గ్రూప్ ఉందని కూడా మంచు లక్ష్మీ చెప్పారు. ఆ వాట్సాప్ గ్రూప్లో రామ్ చరణ్, రానా దగ్గుబాటితోపాటు చాలా మంది ఫ్రెండ్స్ ఉన్నారని, తమ సినిమా టీజర్, ట్రైలర్ వచ్చినప్పుడు ఆ గ్రూప్లో షేర్ చేస్తుంటారని, అలా అందరూ తమ పర్సనల్ అకౌంట్స్లో సినిమాలను షేర్ చేస్తూ ప్రమోట్ చేస్తుంటామని మంచు లక్ష్మీ మరిన్ని ఇంట్రెస్టింగ్ విషయాలు వెల్లడించారు.