Manasantha Nuvve : 2001లో ఉదయ్ కిరణ్, రీమాసేన్ జంట‌గా న‌టించిన మనసంతా నువ్వే సినిమా అప్పట్లో బ్లాక్ బస్టర్ హిట్ గా నిలిచింది. ఉదయ్ కిరణ్ కెరీర్ లో మూడువ సినిమాగా తెర‌కెక్కిన ఈ చిత్రం మంచి విజ‌యం సాధించ‌డంతో ఆ త‌రువాత వ‌రుస సినిమా అవ‌కాశాలు అందుకున్నాడు ఉదయ్ కిరణ్. మనసంతా నువ్వే సినిమాలో కథ ప‌రంగా ఉదయ్ కిరణ్ రీమాసేన్ చిన్న‌త‌నం నుంచి ప్రేమించుకుంటారు. ఆ త‌రువాత కొన్ని కారణాల వలన విడిపోతారు. ఈ విధమైన కొత్త కథాంశంతో వచ్చిన మనసంతా నువ్వే చిత్రం అప్పటిలో ప్రేక్షకులను ఆకట్టుకుని ఘనవిజయాన్ని సాధించింది.
మనసంతా నువ్వే చిత్రానికి ఉదయ్ కిరణ్ ని హీరోగా తీసుకోవడానికి తెర వెనక ఎంతో కథ జరిగింది. ఈ చిత్రాన్ని ఎమ్.ఎస్ రాజు నిర్మించగా, వి.ఎన్ ఆదిత్య ద‌ర్శ‌క‌త్వం వ‌హించారు. ఇక యంగ్ డైరెక్ట‌ర్ తో సినిమా చేయాలనే ఆలోచ‌న‌లో ఉన్న ఎమ్.ఎస్ రాజుకి ఓ కెమెరామెన్ వి.ఎన్ ఆదిత్య గురించి చెప్పాడు. దాంతో ఎమ్.ఎస్ రాజు వి.ఎన్ ఆదిత్య‌కు ఫోన్ చేశాడట. కానీ ఆయ‌న రెస్పాన్స్ అవ్వటం లేదని మ‌రుస‌టి రోజు ఎమ్.ఎస్ రాజు మ‌రోసారి ఫోన్ చేశారు. ఆదిత్య ఫోన్ లిఫ్ట్ చేయ‌గా ఓ సారి వచ్చి క‌లుస్తావా అని అడిగారట రాజు. దాంతో వి.ఎన్ ఆదిత్య సారీ సార్ నేను రాజ‌మండ్రి గుడిలో పూజ చేయించుకోవ‌డానికి వెళుతున్నా అని అన్నారట. ఆ త‌ర‌వాత వారం రోజులు వి.ఎన్ ఆదిత్య కోసం ఎదురుచూసినా కూడా ఆయ‌న రాలేదు.
ఇక చివ‌ర‌గా మ‌రోసారి ఎం.ఎస్ రాజు ఫోన్ చేద్దామ‌నుకున్నారట ఎమ్.ఎస్ రాజు. ఇక చివరి కాల్ తో వి.ఎన్ ఆదిత్య సుమంత్ ఆర్ట్స్ ప్రొడక్ష‌న్స్ ఆఫీసుకు వ‌చ్చాడు. వి.ఎన్ ఆదిత్య మాట్లాడుతూ నేను ల‌వ్ స్టోరీతోనే ఇండ‌స్ట్రీకి పరిచయం అవ్వాలని అనుకుంటున్నాను అని చెప్పారట. స‌రే అని చెప్పిన ఎమ్ ఎస్ రాజు రెండు క‌థ‌లను వి.ఎన్ ఆదిత్య‌కు వినిపించారు. ఇది హిందీలో వచ్చిన అన్ముల్ గ‌డి అనే సినిమా క‌థ‌ను బేస్ చేసుకుని ఓ క‌థ‌ను డెవ‌ల‌ప్ చేశారు. ఇక ఈ సినిమాకు మనసంతా నువ్వే అనే టైటిల్ ను ఫైనల్ చేశారు ఎమ్.ఎస్ రాజు.
ఇక ఈ సినిమాలో మొదటిగా హీరో మ‌హేశ్ బాబును తీసుకోవాల‌ని ఎమ్.ఎస్ రాజు అనుకున్నారు. కానీ వి.ఎన్ ఆదిత్య మాత్రం కొత్త కుర్రాడితో సినిమా చేయాల‌ని అనుకున్నారట. ఎం.ఎస్ రాజు కొత్త కుర్రాడు ఎక్క‌డ దొరుకుతాడు అని అడ‌గ్గా.. వి.ఎన్ ఆదిత్య చిత్రం సినిమాతో ప‌రిచ‌య‌మైన ఉదయ్ కిరణ్ గురించి చెప్పడం జరిగిందట. దాంతో ఎమ్.ఎస్ రాజు చిత్రం సినిమా చూసి ఉదయ్ కిరణ్ ను ఈ కుర్రాడు కరెక్ట్ గా కథకు సెట్ అవుతాడని ఫైనల్ చేశాడు. ఇంత తతంగం జరిగిన తర్వాత ఉదయ్ కిరణ్ మనసంతా నువ్వే చిత్రంతో ప్రేక్షకుల ముందుకు వచ్చి బ్లాక్ బస్టర్ హిట్ ని అందుకున్నాడు.
