Kalki 2898AD 3 Days Collections : మహాభారతం కాలాన్ని, ఫ్యూచర్ జనరేషన్ తో క‌నెక్ట్ చేసి యంగ్ డైరెక్ట‌ర్ నాగ్ అశ్విన్ తెర‌కెక్కించిన చిత్రం కల్కి 2898 ఏడి. ఈ మూవీ బాక్సాఫీస్ వద్ద ఊచకోత కోస్తున్నది. జూన్ 27వ తేదీన ప్రేక్షకుల ముందుకు వచ్చిన ఈ సినిమా అంతకంతకు రికార్డులు క్రియేట్ చేస్తున్నది. నాగ్ అశ్వీన్, ప్రభాస్ కాంబినేషన్‌లో వచ్చిన ఈ చిత్రం ట్రేడ్ వర్గాల ఊహకు అందని విధంగా బాక్సాఫీస్ సునామీని క్రియేట్ చేస్తున్నది. ఈ మైథాలజీ సైన్స్‌ ఫిక్షన్‌ మూవీ మూడు రోజుల్లో రూ.415 కోట్లుకుపైగా వసూళ్లు రాబట్టిందని మూవీ యూనిట్ ఆదివారం ప్రకటించింది. చూస్తుంటే సోమ‌వారం స‌మ‌యానికి కల్కి మూవీ 500 కోట్ల‌కి పైగా వసూళ్లు రాబ‌ట్ట‌నున్న‌ట్టు తెలుస్తుంది.
విడుదలైన రోజు నుంచే సినీ, రాజకీయ ప్రముఖులు సైతం ఈ సినిమా టీమ్‌పై ప్రశంసలు కురిపిస్తున్నారు. చిరంజీవి, రజనీకాంత్‌, మోహన్‌ బాబు, అల్లు అర్జున్‌ తదితరులు ‘కల్కి’ ఓ అద్భుతమని పేర్కొన్నారు. విజువల్స్‌ పరంగానే కాదు కామియో రోల్స్తోనూ ఈ మూవీ ప్రేక్షకులను సర్‌ప్రైజ్‌ చేసింది. హీరోలు విజయ్‌ దేవరకొండ, దుల్కర్‌ సల్మాన్‌, దర్శకులు రాజమౌళి, రామ్‌గోపాల్‌ వర్మ తదితరులు ఈ సినిమాలో చిన్న పాత్రల్లో కనిపించడం విశేషం. వైజయంతీ మూవీస్ బ్యానర్‌పై సీ అశ్వినీదత్, ప్రియాంక దత్, స్వప్న దత్ కలిసి రూపొందించిన కల్కి చిత్రం ఓవర్సీస్ రైట్స్ ఫ్యాన్సీ రేట్‌కు అమ్ముడుపోయాయి. ఈ చిత్రం థియేట్రికల్ హక్కులను సుమారుగా 70 కోట్ల రూపాయలకు తీసుకొన్నట్టు ట్రేడ్ వర్గాలు వెల్లడించాయి.
ఇప్పటికే ఈ చిత్రం బ్రేక్ ఈవెన్ టార్గెట్‌ను అధిగమించినట్టు తెలుస్తున్నది. ఉత్తర అమెరికాలో అంటే.. అమెరికా, కెనడాలో కల్కి చిత్రం కలెక్షన్లు భారీ తుఫాన్‌ను తలపిస్తున్నాయి. అమెరికా బాక్సాఫీస్ వద్ద ఈ చిత్రం రికార్డులన్నింటిని తిరగరాస్తున్నది. ఈ సినిమా అమెరికాలో 10 మిలియన్ డాలర్లు అంటే.. భారతీయ కరెన్సీలో సుమారుగా 83 కోట్లకుపైగా వసూళ్లను సాధించింది. ఇక అమెరికాలో కాకుండా యూకే, ఆస్ట్రేలియా, జర్మనీ, గల్ఫ్, యూఏఈలో ఈ సినిమాకు ప్రేక్షకుల బ్రహ్మరథం పడుతున్నారు. ఇప్పటికే ఈ చిత్రం యూఎస్ కాకుండా మిగితా దేశాల్లో 4 మిలియన్ల డాలర్లు అంటే.. ఇండియన్ కరెన్సీలో 33 కోట్ల రూపాయ‌లు రాబట్టింది. జపాన్‌లోనూ అభిమానులను కలిగిన టాలీవుడ్‌ హీరోల్లో ప్రభాస్ ఒకరు. జపాన్‌కు చెందిన ముగ్గురు మహిళలు హైదరాబాద్‌లోని ప్రసాద్‌ ఐమ్యాక్స్‌లో ‘కల్కి’ సినిమాని చూసి ప్రభాస్‌పై అభిమానాన్ని చాటుకున్నారు. ఈ చిత్రం థియేట్రికల్ హక్కులను సుమారుగా 70 కోట్ల రూపాయలకు తీసుకొన్నట్టు ట్రేడ్ వర్గాలు వెల్లడించాయి.
