Chiranjeevi : మెగాస్టార్ చిరంజీవి గురించి ప్రత్యేక పరిచయాలు అక్కర్లేదు. స్వయంకృషితో ఈ స్థాయికి చేరుకున్నారు. గత ఏడాది వాల్తేరువీరయ్య, భోళా శంకర్ సినిమాలతో ప్రేక్షకుల ముందుకు వచ్చాడు. అయితే ఈ రెండింటిలో వాల్తేరు వీరయ్య సంక్రాంతి విన్నర్ గా నిలిచింది. ఇక భోళాశంకర్ మాత్రం ప్రేక్షకులను ఆకట్టుకోలేకపోయింది. ఇక తన తదుపరి సినిమాలపై ఫోకస్ చేశాడు. ప్రస్తుతం వశిష్టతో విశ్వంభర సినిమా చేస్తున్నాడు. ఈ మూవీపై భారీ అంచనాలు ఉన్నాయి. ఇక ఈ కొత్త ఏడాది ప్రారంభంలోనే గుడ్ న్యూస్ విన్నారు. ఈ 2024లో చిరంజీవికి పద్మవిభూషణ్ అవార్డ్ వరించిన విషయం తెలిసిందే. దీంతో మెగా ఫ్యామిలీతోపాటు ఆయన అభిమానులు తెగ సంబరపడిపోయారు.
తాజాగా నటిస్తున్న చిత్రం విశ్వంభరకాగా, ఈ మూవీ మెగా ఫాంటసీ అడ్వెంచర్ జానరల్లో వస్తుంది. ఈ చిత్రానికి బింబిసార వంటి బ్లాక్బస్టర్ చిత్రాన్ని రూపొందించిన వశిష్ట దర్శకత్వం వహిస్తుండగా గత సంవత్సరం అధికారికంగా షూటింగ్ ప్రారంభించిన విషయం తెలిసిందే. యువి క్రియేషన్స్ రూపొందిస్తున్న ఈ చిత్రానికి ఇటీవలే సంక్రాంతి పర్వదినం నాడు విశ్వంబర అనే టైటిల్ను ఖరారు చేస్తూ గ్లింప్స్ అండ్ కాన్సెప్ట్ వీడియో అధికారికంగా విడుదల చేశారు. గతంలో విడుదల చేసిన పోస్టర్తోపాటు ఇటీవల రిలీజ్ చేసిన టైటిల్ గ్లింప్స్ మంచి రెస్పాన్స్ తెచ్చుకున్నాయి. అంతేకాకుండా ఆ గ్లింప్స్ మూవీపై క్యూరియాసిటీ కలిగేలా చేసింది.
![Chiranjeevi : చిరంజీవా.. మజాకానా.. ఈ వయస్సులో కూడా అంత భారీ వర్కవుట్స్ చేస్తున్నాడేంటి..? Chiranjeevi latest workouts video viral](https://i0.wp.com/telugunews365.com/wp-content/uploads/2024/02/chiranjeevi.jpg?resize=1200%2C675&ssl=1)
చిరంజీవి ఇంకా విశ్వంభర సెట్స్లో అడుగుపెట్టలేదు. అయితే తాజాగా ఆయన సెట్స్లోకి ఎంట్రీ ఇస్తున్నట్లుగా ఓ వీడియో ద్వారా చెప్పారు. విశ్వంభర మూవీ కోసం సరికొత్తగా రెడీ అవుతున్నారు. అందుకు గానూ ఎప్పుడు చేయని విధంగా భారీ కసరత్తులు చేస్తున్నారు చిరంజీవి. దీనికి సంబంధించిన వీడియోను చిరంజీవి తన ఇన్స్టా గ్రామ్ అకౌంట్లో షేర్ చేశారు. అంతేకాకుండా ఆ వీడియో చివరిలో విశ్వంభర కోసం రెడీ అవుతున్నాను అని తెలిపారు. ఆ వీడియోలో భారీ కసరత్తులు చేస్తూ చెమటలు చిందించారు మెగాస్టార్. ప్రస్తుతం మెగాస్టార్ చిరంజీవికి 68 ఏళ్లు. 68 ఏళ్ల వయసులోనూ సినిమా కోసం పద్మవిభూషణ్ చిరంజీవి పడే కష్టం చూసి అభిమానులు ఫిదా అవుతున్నారు. దీంతో ఈ వీడియో సోషల్ మీడియాలో తెగ వైరల్ అవుతోంది.