Bharateeyudu 2 Collections : ఇండియన్ 2 సినిమా బాక్సాఫీస్ వద్ద తడబాటుకు గురవుతున్నది. కమల్ హాసన్ ప్రధాన పాత్రలో భారీ అంచనాలతో ప్రేక్షకుల ముందుకు వచ్చిన ఈ చిత్రం ప్రేక్షకుడిని మెప్పించలేకపోయింది. కమల్, శంకర్ కాంబినేషన్లో రూపొందిన ఈ మూవీ భారీ నష్టాలతోనే ముగిసే అవకాశం ఉంది. 1996లో విడుదలైన భారతీయుడు చిత్రానికి ఇది సీక్వెల్ మూవీ రూపొందగా, భారతీయుడు ఇండియన్ ఫిల్మ్ ఇండస్ట్రీని షేక్ చేసింది. ఆ మూవీ ప్రభంజనం గురించి ఎంత చెప్పినా తక్కువే. అలాంటి ఆల్ టైం బ్లాక్ బస్టర్ కి సీక్వెల్ అనగానే అంచనాలు సాధారణంగానే పెరిగాయి. అయితే ఫస్ట్ షో నుండే భారతీయుడు 2 నెగిటివ్ టాక్ తెచ్చుకుంది.
ఫస్ట్ డే భారతీయుడు 2 ఇండియాలో 25.6 కోట్ల నెట్ వసూళ్లు రాబట్టింది. తమిళంలో కూడా పెద్దగా ప్రభావం చూపలేదు. ఫస్ట్ వీక్ ముగిసే నాటికి భారతీయుడు 2 ఇండియాలో రూ. 70.45 కోట్ల నెట్ రాబట్టింది. వీకెండ్ వరకు వసూళ్లు పర్వాలేదు అన్నట్లు ఉన్నాయి. వర్కింగ్ డేస్ మొదలయ్యాక భారతీయుడు 2 పూర్తిగా చతికిలపడింది. వరల్డ్ వైడ్ 7 రోజుల్లో భారతీయుడు 2 రూ. 121.65 కోట్ల గ్రాస్ రాబట్టినట్లు సమాచారం. గత మూడు రోజులగా రూ. 3 కోట్ల నెట్ కలెక్షన్స్తో నిలకడగా రాణిస్తున్న ఇండియన్ 2 సినిమాకు ఏడో రోజుకి మరింత దిగజారింది. ఏడో రోజున ఇండియాలో భారతీయుడు 2 సినిమాకు కేవలం రూ. 2 కోట్ల నెట్ కలెక్షన్స్ మాత్రమే రాబట్టింది.
![Bharateeyudu 2 Collections : మరింత దారుణంగా ఇండియన్ 2 కలెక్షన్స్.. శంకర్ పెద్ద దెబ్బే వేశాడుగా..! Bharateeyudu 2 Collections we see drop in them how much it got](https://i0.wp.com/telugunews365.com/wp-content/uploads/2024/07/indian-2.jpg?resize=1200%2C675&ssl=1)
ఆరో రోజు కన్నా చాలా దారుణంగా ఇండియన్ 2 కలెక్షన్స్ రాబట్టింది. ఏడో రోజున వచ్చిన 2 కోట్ల కలెక్షన్లలో తెలగు నుంచి రూ. 46 లక్షలు, హిందీ నుంచి రూ. 31 లక్షలు, తమిళం నుంచి రూ. 1.21 కోట్లుగా ఉన్నాయి. ఇలా మొత్తంగా వారం రోజుల్లో ఇండియాలో భారతీయుడు 2 సినిమాకు రూ. 70.45 కోట్ల నెట్ కలెక్షన్స్ వసూలు అయ్యాయి.భారతీయుడు 2 బడ్జెట్ దాదాపు రూ. 250 కోట్లు. ఈ క్రమంలో నిర్మాతలు, డిస్ట్రిబ్యూటర్స్ పెద్ద మొత్తంలో నష్టపోవడం ఖాయంగా కనిపిస్తుంది. పార్ట్ 3 కోసం శంకర్ కథను పూర్తిగా చెప్పలేదు. ఎమోషనల్ టచ్ మిస్ అయ్యింది. సేనాపతి పాత్రను తీర్చిదిద్దిన తీరు కూడా జనాలకు నచ్చలేదు. కమల హాసన్ లుక్ కూడా మెప్పించలేదు అనేది ఆడియన్స్ అభిప్రాయం.