Anchor Suma Son Roshan : సినిమా ఇండ‌స్ట్రీలో వార‌సుల తాకిడి పెరుగుతూనే ఉంది. హీరోలు, నిర్మాత‌లు, ద‌ర్శ‌కుల వార‌సుల కుమారులు ఇండ‌స్ట్రీలో స‌త్తా చాటుతుండ‌గా, ఇప్పుడు సుమ తనయుడు బబుల్ గమ్ సినిమాతో హీరోగా అలరించేందుకు సిద్ధ‌మ‌య్యాడు. రాజీవ్‌కనకాల, సుమ కనకాల తనయుడు రోషన్ కనకాల హీరోగా తెరంగేట్రం చేస్తున్న చిత్రం ‘బబుల్‌గమ్‌’చిత్రంలో మానస చౌదరి కథానాయికగా న‌టిస్తుంది. క్షణం, కృష్ణ అండ్‌ హిజ్‌ లీలా చిత్రాలతో గుర్తింపు తెచ్చుకున్న రవికాంత్ పేరెపు దర్శకత్వంలో పీపుల్‌ మీడియా ఫ్యాక్టరీ, మహేశ్వరి మూవీస్‌ కలిసి ఈ చిత్రాన్ని నిర్మిస్తున్నారు. డిసెంబ‌ర్‌లో మూవీ రిలీజ్ కానుంది.
రిలీజ్ ద‌గ్గ‌ర ప‌డుతున్న నేప‌థ్యంలో మేక‌ర్స్ ప్ర‌మోష‌న‌ల్ స్పీడ్ పెంచారు. ప్రమోషన్స్ లో భాగంగా ఈ మూవీ ఫస్ట్ లుక్ ని రీసెంట్ గా దర్శక ధీరుడు ఎస్. ఎస్ రాజమౌళి లాంచ్ చేసిన విషయం తెలిసిందే. ఫస్ట్ లుక్ తోనే సినిమాపై ఆడియన్స్ లో ఆసక్తి పెరిగింది. ఇక ఈ మూవీ టీజర్ ను న్యాచురల్ స్టార్ నాని చేతుల మీదుగా రిలీజ్ చేశారు. నాని విడుదల చేసిన ‘బబుల్ గమ్’ టీజర్ ఆద్యంతం ఆకట్టుకునేలా ఉంది. టీజర్ లో రోషన్ తన స్క్రీన్ ప్రజెన్స్ తో ఆకట్టుకున్నాడు. మొదటి సినిమాలోనే హీరోయిన్ కి ఏకంగా ఘాటుగా లిప్ లాక్ కూడా ఇచ్చేశాడు. తెలంగాణ స్లాంగ్ లో డైలాగులు ఆకట్టుకుంటున్నాయి.
ఇక స్పీచ్‌లోను అద‌ర‌గొట్టాడు. ‘థాంక్యూ సుమ గారు మా ఈవెంట్‌ను హోస్ట్ చేసినందుకు’ అంటూ అమ్మకే పంచ్ వేసి స్పీచ్ మొదలుపెట్టాడు రోషన్. ‘మై బ్రదర్, మై లవర్, మై డైరెక్టర్ రవికాంత్ పేరెపు.. మీరు టీజర్‌లో చూసినదంతా రవికాంత్ దగ్గరుండి చేయించాడు. అదంతా ఆయన ఎక్స్‌పీరియన్స్‌తోనే వచ్చింది. అది వైజాగ్‌లో ఎక్స్‌పీరియన్స్ అండి. వైజాగ్‌లో అలలు.. వాటి ముందు రవికాంత్ కలలు’ అంటూ దర్శకుడి మీదే పంచ్‌లు వేశాడు రోషన్. ముందు రవికాంత్ మీద జోకులు వేసిన రోషన్.. ఆ తరవాత ఆయనతో కలిసి పనిచేయడం తనకు దక్కిన గౌరవమని చెప్పాడు. తనను నమ్మి ఈ సినిమాకు ఎంపిక చేసుకోవడం తనకెంతో సంతోషాన్ని ఇచ్చిందన్నాడు. ఇక సినిమాటోగ్రాఫర్ సురేష్ రగటు గురించి మాట్లాడుతూ.. ‘ఒక్కోసారి సురేష్ వర్కింగ్ స్టైల్ చూసినప్పుడు, ఓడియమ్మా ఇంత ఫాస్ట్‌గా కూడా సినిమా తీయొచ్చా అనిపిస్తుంది’ అని అన్నాడు. ఇక సంగీత దర్శకుడు శ్రీచరణ్ పాకాల గురించి చెబుతూ.. ‘జనరల్‌గా భయ్యా చితక్కొట్టేస్తాడు మ్యూజిక్. మా సినిమాతో ఆయన నెక్ట్స్ లెవెల్‌కు వెళ్లిపోయాడు. చితక్కొట్టేశాడు. మీరే చూస్తారు’ అని చెప్పాడు.
