Akhil Agent Movie : టాలీవుడ్ హీరో, అఖిల్ అక్కినేని మంచి హిట్ కోసం ఎంతో కృషి చేస్తున్నారు. చివరిసారిగా ఏజెంట్ చిత్రంలో కనిపించారు. ఈ చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. ఈ చిత్రం ఓటిటి రిలీజ్ కాకముందే, టెలివిజన్ ప్రీమియర్ కి రెడీ అయిపోయిన సంగతి అందరికీ తెలిసిందే. హిందీలో వరల్డ్ టెలివిజన్ ప్రీమియర్ కి సంబందించిన డేట్ ను ఫిక్స్ చేసుకుంది. ఏజెంట్ సినిమా హిందీ వెర్షన్ గోల్డ్మైన్స్ టీవీ ఛానెల్లో ప్రసారం కానుంది. జూలై 28వ తేదీన రాత్రి 8 గంటలకు ఈ మూవీ హిందీలో ప్రసారం కానుంది. ఈ విషయంపై నేడు (జూలై 15) అధికార ప్రకటన వచ్చింది. తెలుగు కంటే ముందే ఈ చిత్రం హిందీలో టెలికాస్ట్ అవుతోంది. కానీ ఇప్పటి వరకు తెలుగు వెర్షన్పై క్లారిటీనే రాలేదు.
ఏజెంట్ సినిమా డిజిటల్ స్ట్రీమింగ్ హక్కులను సోనీ లివ్ ఓటీటీ ప్లాట్ఫామ్ సొంతం చేసుకుంది. గతేడాది సెప్టెంబర్లో స్ట్రీమింగ్ అంటూ డేట్ కూడా వెల్లడించిన కారణం ఏంటో కాని స్ట్రీమింగ్కు రాలేదు. సోనీ లివ్ ఆలస్యం చేసింది. ఆ తర్వాత కూడా చాలాసార్లు త్వరలో స్ట్రీమింగ్ అంటూ ఊరిస్తూ వచ్చింది. అయినా ఇప్పటి వరకు ఈ చిత్రం ఓటీటీలోకి రాలేదు. అయితే, ఇటీవలే సడన్గా ఏజెంట్ గురించి ఇప్పటి వరకు తమ సోషల్ మీడియా అకౌంట్లలో చేసిన పోస్టులను సోనీ లివ్ డిలీట్ చేసింది. ఈనెలలో ఏజెంట్ సినిమా స్ట్రీమింగ్కు వస్తుందని రూమర్లు రాగా.. సోషల్ మీడియాలో పోస్టులు తొలగించి ట్విస్ట్ ఇచ్చింది సోనీ లివ్.
దీంతో ఈ చిత్రం ఈ ఓటీటీలోనే వస్తుందా.. ప్లాట్ఫామ్ మారుతుందా అనే సందేహాలు కూడా తలెత్తుతున్నాయి. మరి ఈనెలలో అయినా ఏజెంట్ చిత్రం ఓటీటీలోకి వస్తుందా.. ఇంకా ఆలస్యం కొనసాగుతుందా అనేది చూడాలి. ఈ చిత్రం యొక్క శాటిలైట్ హక్కులను గోల్డ్మైన్స్ ఛానెల్ సొంతం చేసుకుంది. నార్త్ ఆడియెన్స్ ఈ చిత్రాన్ని ఎలా రిసీవ్ చేసుకుంటారోనని చాలా మంది ఆసక్తిగా ఎదురు చూస్తున్నారు. ఈ చిత్రంలో మాలీవుడ్ మెగాస్టార్ మమ్ముట్టి కీలక పాత్రలో నటించగా, సాక్షి వైద్య కథానాయికగా నటించింది. డినో మోరియా విలన్గా నటించారు. వక్కంతం వంశీ రచించి, రామబ్రహ్మం సుంకర నిర్మించిన ఈ చిత్రానికి సురేందర్ రెడ్డి దర్శకత్వం వహించారు.
