Akhanda 2 : బాలయ్య కెరీర్లో అఖండ చిత్రం కూడా బిగ్గెస్ట్ బ్లాక్ బస్టర్. ఇప్పుడు ఈ సినిమాకి సీక్వెల్ రూపొందనుంది. కష్టం వచ్చినప్పుడు తలుచుకోమ్మా.. నీకోసం ఎక్కడున్నా తిరిగొస్తాను.. అంటూ పాపకు అఖండ రుద్రసికిందర్ అఘోరా మాటివ్వడంతో ‘అఖండ’ సినిమా ముగిసింది. విజయాన్ని ముందే ఊహించి, సీక్వెల్కు తగ్గట్టుగా ముగింపు ఇచ్చాడు దర్శకుడు బోయపాటి శ్రీను. అప్పట్నుంచి ‘అఖండ’ పునరాగమనం కోసం ఆడియన్స్ ఆతృతగా ఎదురుచూస్తుండగా, దానికి టైం ఫిక్స్ అయినట్టు కనిపిస్తుంది. ఈ దఫా మరింత శక్తిమంతంగా, భారతీయ దేవాలయాలు, సనాతనధర్మం గొప్పతనం ప్రపంచానికి తెలియజెప్పే విధంగా ‘అఖండ-2’ స్క్రిప్ట్ తయారు చేస్తున్నారు దర్శకుడు బోయపాటి.
స్క్రిప్ట్ వర్క్ దాదాపు పూర్తి కావచ్చింది. ఆగస్ట్ నెల తర్వాత ‘అఖండ 2’ షూటింగ్ ప్రారంభమవుతుందని ఇన్సైడ్ టాక్. ప్రగ్యా జైస్వాల్ మరోసారి ఇందులో కథానాయికగా కనిపించనుంది. మిగతా నటీనటులు, సాంకేతిక నిపుణుల వివరాలు తెలియాల్సివుంది. అయితే ఈ సినిమాలో బ్యాక్ డ్రాప్ స్టోరీ అంతా ఏపీ పాలిటిక్స్ మీదనే ఉంటుందని, హిందుత్వం బేస్ అయి ఉంటుందని సమాచారం. తాజా సమాచారం ప్రకారం ఏపీ మాజీ ముఖ్యమంత్రి వైఎస్ జగన్ మోహన్ రెడ్డిని టార్గెట్ చేస్తూ చిత్రంలో భారీ డైలాగులు ఉండబోతున్నట్టు సమాచారం. బాలయ్య నోటి నుండి వచ్చే ఆ డైలాగులకి థియేటర్ దద్దరిల్లాల్సిందే.
గత ప్రభుత్వ పరిపాలనను విమర్శిస్తూ కొన్ని పాత్రలు సైతం బోయపాటి అఖండలో పొందుపరిచినట్టు తెలుస్తుంది. జగన్ ప్రతిపక్ష హోదా కూడా లేని నేపథ్యంలో ఆయనని గట్టిగానే ఎటాక్ చేస్తారని టాక్. మొదటి పార్ట్ లో కాసేపు కనిపించిన అఘోర క్యారక్టర్ తోనే అందరికి పూనకాలు తెప్పించేశాడు దర్శకుడు. ఇక రెండవ పార్ట్ లో అఘోరా పాత్రని బాగా ఎలివేట్ చేయబోతున్నాడట. ఇప్పుడు సమాజానికి అవసరం అయ్యేవి ఎప్పుడో మర్చిపోయిన పురాణ ఇతిహాసాలే కాబట్టి.. ఖచ్చితంగా అఘోర పాత్ర ద్వారా ఎవరికీ తెలియని ఎన్నో నిజాలను తెలియజేస్తారని.. చెప్పొచ్చు. రానున్న రోజులలో ఈ మూవీకి సంబంధించి పూర్తి క్లారిటీ రానుంది.
