Adah Sharma : హార్ట్ ఎటాక్ సినిమాతో పాటు స‌న్ ఆఫ్ స‌త్య‌మూర్తి వంటి సినిమాల‌తో తెలుగు ప్రేక్ష‌కుల‌ని ప‌ల‌క‌రించిన అందాల ముద్దుగుమ్మ ఆదాశర్మ. మొదటి సినిమాతోనే తన యాక్టింగ్ తో ఆడియన్స్ ని ఆకట్టుకుంది. అనంతరం తెలుగులో కొన్ని సినిమాలు చేసినా.. అవి ఆమెకు అంతగా గుర్తింపు రాక‌పోవ‌డంతో ఇతర భాషల్లో సినిమాలు చేస్తూ అక్కడ తన అదృష్టాన్ని పరీక్షించుకుంటుంది. అలా తాజాగా ‘ది కేరళ స్టోరీ’ అనే సినిమాతో భారీ సక్సెస్ ని అందుకుంది. ప్రస్తుతం ఈ సినిమా బాక్సాఫీస్ వద్ద భారీ కలెక్షన్స్ ని అందుకుంటున్న విషయం తెలిసిందే. ఇటీవ‌ల ద‌ర్శ‌కుడితో కారులో ప్ర‌యాణిస్తున్న స‌మ‌యంలో ప్ర‌మాదం జ‌రిగింది. అయితే త‌న‌కి ఏమి కాలేదని క్షేమంగా ఉన్నాన‌ని పేర్కొంది.
ర్శకుడు సుదీప్తో సేన్ ది కేరళ స్టోరీ టైటిల్ తో మూవీ తెరకెక్కించ‌గా, ఇందులో ఆదాశర్మ హీరోయిన్ గా నటించారు. కేరళ రాష్ట్రంలో లవ్ జిహాద్ పెద్ద ఎత్తున జరుగుతుంది. హిందూ, క్రిస్టియన్ అమ్మాయిలను ముస్లిం యువకులు ప్రేమించి వాళ్ళను ఉగ్రవాదులుగా మారుస్తున్నారనే అంశాలను ఈ మూవీలో ఆస‌క్తిక‌రంగా చూపించారు. దీంతో రాజకీయ వర్గాలు, ముస్లిం కమ్యూనిటీ ఈ చిత్రాన్ని వ్యతిరేకిస్తున్నాయి. హీరోయిన్ గా నటించిన ఆదా శర్మకు వేధింపులు ఎక్కువయ్యాయి. తాజాగా ఓ వ్యక్తి ఏకంగా ఆదాశర్మ వ్యక్తిగత సమాచారం సోషల్ మీడియాలో పెట్టాడు.
ఆదాశర్మ ఫోన్ నెంబర్ సైతం లీక్ చేశాడు. ముస్లింలకు వ్యతిరేకంగా ఇకపై చిత్రాలు చేస్తే పర్యవసానాలు ఇంకా దారుణంగా ఉంటాయని హెచ్చరించాడు. సదరు వ్యక్తిపై ఆదాశర్మ సైబర్ క్రైమ్ విభాగంలో ఫిర్యాదు చేశారు. జాముండా బోల్తే’ అనే పేరుతో ఉన్న ఇన్ స్టాగ్రామ్ యూజర్ ఆదా శర్మ ఫోన్ నెంబర్ను సోషల్ మీడియాలో లీక్ చేయ‌డంతో.. ఫ్యాన్స్ ఆ యూజర్ పై తీవ్ర స్థాయిలో మండిపడుతున్నారు. అతనిపై కఠిన చర్యలు తీసుకోవాల్సిందిగా హైదరాబాద్, ముంబై ట్విట్టర్ హ్యాండిల్స్ కు ట్యాగ్ చేస్తూ మరీ ఫిర్యాదులు చేస్తున్నారు. ఈ క్రమంలోనే తాజాగా ఆ ఇన్స్టాగ్రామ్ యూజర్ అకౌంట్ డీయాక్టివేట్ అయిన‌ప్ప‌టికీ అత‌ని పోస్ట్‌లు నెట్టింట తెగ హల్చల్ చేస్తున్నాయి.
