Actress Radha : చిరంజీవికి పోటీగా అంత‌టి గ్రేస్‌తో డ్యాన్స్ చేసే హీరోయిన్స్‌లో రాధ ఒకరు. మోస్ట్ ఇండియన్ గ్లామరస్ హీరోయిన్ గా గుర్తింపు పొందిన ఈ ముద్దుగుమ్మ…1981లో సినిమా రంగంలోకి ఎంట్రీ ఇచ్చింది. ఆ తర్వాత ఎన్నో సినిమాలు చేసిన రాధ వందల కొద్ది ఔట్ డోర్ షూటింగులకు వెళ్లింది. రాధ నటించిన తొలి సినిమా అలైగ‌ళ్ ఓయివ‌దిల్లై.ఈ సినిమా పూర్తిగా ఔట్ డోర్ లోనే జరిగింది.ఈ సినిమా అప్పుడు రాధ పదోతరగతి చదువుతుంది. చిన్న వ‌య‌స్సులోను రాధ త‌న న‌టనా ప‌టిమ‌తో అద‌ర‌గొట్టింది. స్టార్ హీరోయిన్‌గా ఓ వెలుగు వెలిగిన రాధ ఇప్పుడు ఓ టీవీ షో కి జ‌డ్జ్‌గా వ్య‌వ‌హ‌రిస్తుంది.
త‌న క్యూట్ క్యూట్ మాట‌ల‌తో సంద‌డి చేస్తూ వ‌స్తున్న రాధ తాజాగా కృష్ణను తలుచుకొని కన్నీరు పెట్టుకుంది. “ఆయన లేరు అన్న మాట నేను ఇంకా నమ్మలేకపోతున్న. ఆయన్ని నేను ఎంతగానో మిస్ అవుతున్నా, ఐ రియల్లీ లవ్ హిమ్” అంటూ తీవ్ర భావోద్వేగానికి గురయ్యింది. అది చూసిన అభిమానులు కూడా ఎమోషనల్ అవుతున్నారు. అయితే అంత‌క ముందు అవినాష్, యాంకర్ అరియానా జంటగా పెర్ఫర్మ్ చేశారు. ఆ తర్వాత జడ్జిమెంట్ టైమ్ లో అవినాష్.. సూపర్ స్టార్ కృష్ణని ఇమిటేట్ చేస్తూ పలకరించాడు. అప్పుడు కృష్ణని త‌ల‌చుకొని కన్నీరు పెట్టుకుంది.
సూపర్ స్టార్ కృష్ణతో ఎన్నో సూపర్ హిట్ సినిమాలు చేసిన రాధా నాగేశ్వరరావు, శోభన్ బాబు, మోహన్ బాబు, చిరంజీవి, బాలకృష్ణ, వెంకటేష్, నాగార్జున ఇలా అందరు హీరోల సరసన ఎన్నో సినిమాలు చేసి స్టార్డమ్ అందుకుంది. ఇక చాలాయేళ్ల తర్వాత తెలుగు షోలో ఎంట్రీ ఇచ్చిన రాధా తెగ సంద‌డి చేస్తుంది. ఇదిలా ఉంటే గత కొంతకాలంగా ఇండస్ట్రీకి పెద్ద దిక్కుగా ఉన్న నటులు అందర్నీ కొలుపుతూ తెలుగు సినీ పరిశ్రమ శోకసంద్రంలో మునిగి తేలుతుంది. కృష్ణంరాజు, కృష్ణ, కైకాల సత్యనారాయణ, చలపతి రావు.. ఇలా ఒకరి తరువాత ఒకరు నెలలు వ్యవధిలో స్వర్గస్తులు అవుతూ అందర్నీ దిగ్బ్రాంతికి గురి చేస్తున్నారు.
