మారుతున్న జీవనశైలి కారణంగా చాలామంది అధిక కొలెస్ట్రాల్ సమస్యలను ఎదుర్కొంటున్నారు. ఫాస్ట్, జంక్ ఫుడ్స్ తినడం వల్లే ఇలాంటి సమస్యలు ఉత్పన్నమవుతున్నాయని ఆరోగ్య నిపుణులంటున్నారు. దీని కారణంగా అధిక రక్తపోటు, గుండెపోటు, ట్రిపుల్ నాళాల వ్యాధి వంటివి వచ్చే ప్రమాదం ఉందని నిపుణులు హెచ్చరిస్తున్నారు. అయితే పెరిగిన కొలెస్ట్రాల్ తగ్గించాలంటే వ్యాయామంతో పాటు ప్రతిరోజు ఈ 5 పండ్లని తప్పనిసరిగా తీసుకోవాలి. అవేంటంటే.. యాపిల్స్: ప్రతిరోజు ఒక యాపిల్ తింటే డాక్టర్ వద్దుకు వెళ్లనవసరం లేదంటారు. ఇది నిజమే.
ఇందులో పెక్టిన్ ఎక్కువగా ఉంటుంది. ఇది శరీరంలోని కొలెస్ట్రాల్ని తగ్గించడంలో సహాయపడుతుంది. ఇందులో ఫైబర్ కూడా తగిన మోతాదులో ఉంటుంది. ఇది ఆరోగ్యానికి చాలా మంచిది. స్ట్రాబెర్రీలు: ఇవిచాలా రుచికరమైన పండ్లు. వీటిని సౌందర్య సాధనాలలో కూడా వాడుతారు. తియ్యగా ఉన్న స్ట్రాబెర్రీలు కొలెస్ట్రాల్ స్థాయిలను తగ్గించడంలో సహాయపడతాయి. సిట్రస్ పండ్లు: నారింజ, నిమ్మ మొదలైనవి సిట్రస్ జాతికి చెందిన పండ్లు. ఇందులో సి విటమిన్ అధికంగా ఉంటుంది. ఇవి ఎక్కువగా చలికాలంలో లభిస్తాయి.
ఈ పండ్లు కొలెస్ట్రాల్ తగ్గించడంలో ప్రభావవంతంగా పనిచేస్తాయి. ద్రాక్ష: ఇవి బరువు తగ్గించడానికి సహాయం చేస్తాయి. కొలెస్ట్రాల్ స్థాయిలను తగ్గించడంలో ద్రాక్ష ఎలా సహాయపడుతుందో పలు అధ్యయనాలు నిరూపించాయి. అవోకాడో: కొలెస్ట్రాల్తో బాధపడుతున్న వారు తరచుగా అవోకాడో తినడం వల్ల కొలెస్ట్రాల్ స్థాయిలు పెరుగుతాయనే అపోహతో దూరంగా ఉంటారు. కానీ USDA అధ్యాయనం ప్రకారం.. అవోకాడో 0 mg కొలెస్ట్రాల్ ఉంటుంది. అందువల్ల ఎలాంటి అనుమానం లేకుండా తినవచ్చు. అదనంగా ఇది ఆరోగ్యకరమైన కొవ్వులను ఉత్పత్తి చేస్తుంది.
