Daggubati Rana And Nitin : క‌రోనా స‌మ‌యంలో కొద్ది మంది స‌మ‌క్షంలో టాలీవుడ్ యువ హీరోలు నితిన్, రానా తాము ప్రేమించ వారిని పెళ్లి చేసుకున్న విషయం తెలిసిందే. నితిన్.. నాగర్ కర్నూల్ కి చెందిన డాక్టర్ సంపత్ కుమార్.. డాక్టర్ నూర్జహాన్ దంపతుల కుమార్తె అయిన డాక్టర్ శాలినితో దాదాపు 8 సంవత్సరాల పాటు ప్రేమలో ఉన్నాడు. ఎట్టకేలకు 2020లో పెళ్లి బంధంతో ఒకటయ్యారు. అయితే శాలిని గర్భం దాల్చిందని త్వరలోనే పండంటి బిడ్డకు జన్మనివ్వబోతోంది అంటూ వార్తలు బాగా వైరల్ అవుతున్నాయి. కొంద‌రు అభిమానులు సోషల్ మీడియా వేదికగా నితిన్ కు శుభాకాంక్షలు తెలియజేస్తున్నారు.
ఇక రానా విష‌యానికి వ‌స్తే మ‌నోడు కూడా క‌రోనా టైంలోనే పెళ్లి చేసుకున్నాడు. గత ఏడాది ఆగస్ట్ 8న రానా, మిహిక బజాజ్‌ ను వివాహం చేసుకున్న సంగతి తెలిసిందే. కాగా.. లేటెస్ట్ నెట్టింట వినిపిస్తోన్న సమాచారం మేరకు రానా, మిహిక తల్లిదండ్రులు కాబోతున్నారు. ఈ విషయం తెలిసి ద‌గ్గుబాటి అభిమానులు ఆనందం చెందుతున్నారు. రానాకి శుభాకాంక్షలు తెలియజేస్తున్నారు. బాహుబలి, భీమ్లా నాయక్ వంటి సినిమల్లో ప్రతినాయకుడి పాత్రలో కూడా రానా అద్భుతంగా నటించాడు. రానా ఇటీవలే విరాట పర్వం సినిమాతో ప్రేక్షకుల ముందుకు వచ్చాడు. ఈ సినిమాలో నక్సలైట్‌గా కూడా రానా నటన సూపర్ గా ఉంది.
ఆ మధ్య మిహీకాకి రానాకి మధ్య గొడవ జరిగిందంటూ ప్రచారాలు మొదలయ్యాయి. రానా సోషల్ మీడియా నుంచి బయటకు రావడానికి అదే కారణమని, అచ్చం సమంత లాగే ఆయన కూడా మెల్లగా మిహికాతో విడిపోనున్నాడ‌ని పుకార్లు షికారు చేశాయి. కాని ఈ జంట త‌మ‌పై వ‌చ్చే రూమ‌ర్స్‌కి చెక్ పెట్టేశారు. ప్రస్తుతం ఈ పాన్ ఇండియాస్టార్ .. బాబాయ్ వెంకటేష్‌తో కలిసి ఓ వెబ్ సిరీస్ చేస్తున్నాడు. ప్రస్తుతం రానా నాయుడు అనే వెబ్ సిరీస్ చేస్తున్నారు. ఈ వెబ్ సిరీస్‌లో రానా బాబాయ్, టాలీవు సీనియర్ హీరో విక్టరీ వెంకటేష్ కూడా భాగమవుతుండటం విశేషం.
