Photo : టాలీవుడ్ యువ హీరో విశ్వక్ సేన్ గురించి ప్ర‌త్యేక ప‌రిచ‌యాలు అక్క‌ర్లేదు. హిట్, ఫ్లాప్స్ తో సంబంధం లేకుండా సినిమాలు చేస్తున్నాడు.రీసెంట్ గా ‘గామి’ లో అఘోరాగా మెప్పించిన ఈ హీరో ఈసారి అమ్మాయిగా మారబోతున్నాడు. కెరీర్ లో ఫస్ట్ టైం లేడీ గెటప్ తో ఆడియన్స్ ను ఆకట్టుకోబోతున్నాడు. ఇటీవలే ‘గ్యాంగ్స్ ఆఫ్ గోదావరి’ సినిమాతో హిట్ అందుకున్న విశ్వక్ సేన్ తాజాగా ‘లైలా’ అనే సినిమాలో నటిస్తున్నాడు. జులై 3 బుధవారం హైదరాబాద్ లో ఈ మూవీ లాంచ్ చేశాడు విశ్వక్ సేన్. లైలా అనే టైటిల్ ఈ చిత్రానికి ఫిక్స్ చేశారు. లైలా మూవీ లాంచింగ్ ఈవెంట్ లో హీరో విశ్వక్ సేన్, హీరోయిన్ ఆకాంక్ష శర్మ లతో పాటు దర్శక నిర్మాతలు, యూనిట్ సభ్యులు, టాలీవుడ్ ప్రముఖులు పాల్గొన్నారు.
లాంచింగ్ డే రోజే ఫస్ట్ లుక్ విడుదల చేశారు. విశ్వక్ సేన్ లేడీ గెటప్ లో కనిపించి ఒకింత ఆశ్చర్యానికి గురి చేశారు. చాలా కొద్ది మంది హీరోలు మాత్రమే లేడీ గెటప్స్ ట్రై చేశారు. కమల్ హాసన్, రాజేంద్ర ప్రసాద్, నరేష్… ఈ లేడీ గెటప్ కి ఒక బెంచ్ మార్క్ సెట్ చేశారు. ఆ ఛాలెంజ్ తాజాగా విశ్వక్ సేన్ తీసుకున్నాడు. ఫస్ట్ లుక్ తోనే సినిమా మీద అంచనాలు పెంచేశారు. విశ్వక్ సేన్ పాత్రపై ఆడియన్స్ లో ఆసక్తి నెలకొంది. లైలా చిత్రానికి రామ్ నారాయణ్ దర్శకుడు. గిబ్రాన్ సంగీతం అందిస్తున్నారు. షైన్ స్క్రీన్స్ పతాకంపై సాహు గారపాటి నిర్మిస్తున్నారు. లైలా మూవీ 2025 ఫిబ్రవరి 14న ప్రేమికుల రోజు కానుకగా విడుదల కానుంది.
లేడి గెట‌ప్‌లో క‌నిపిస్తున్న విశ్వక్ సేన్ కళ్లు మాత్రమే చూపించారు. ఇందులో హీరోయిన్లను మించి ఎంతో అందంగా విశ్వక్ కళ్ళు ఉన్నాయి. దీంతో ఈ పోస్టర్ నెట్టింట వైరల్ అవుతోంది. ఇప్పుడిప్పుడే మాస్ హీరోగా ఎదుగుతున్న విశ్వక్ సేన్ ‘లైలా’లాంటి డిఫెరెంట్ ప్రాజెక్ట్ ను ఎంచుకోవడం విశేషం. త్వరలోనే రెగ్యులర్ షూటింగ్‌ మొదలు కానుంది. ప్ర‌స్తుతం ఈ పోస్టర్ వైరల్ అవుతుండ‌గా, ఇది చూసిన ప్ర‌తి ఒక్క‌రు కూడా విశ్వక్ సేన్ ప్ర‌య‌త్నాన్ని అభినందిస్తున్నారు.
