Anchor Lasya : ఒక‌ప్పుడు యాంకర్ ర‌వితో క‌లిసి బుల్లితెర‌పై తెగ సంద‌డి చేసిన అందాల యాంకర్ లాస్య. ఆమె చెప్పే చీమ, ఏనుగు జోక్స్‌ జ‌నాల‌కు తెగ న‌వ్వు తెప్పిస్తుంటాయి. కొన్నాళ్ల‌పాటు బాగానే అల‌రించిన లాస్య పెళ్లి తర్వాత బుల్లితెర‌కు పూర్తిగా దూర‌మైంది. అయితే బిగ్ బాస్ సీజ‌న్ 4లో పాల్గొని మ‌ళ్లీ తన అభిమానుల‌కి మంచి వినోదం పంచింది. ప్రస్తుతానికి అడపా దడపా కొన్ని చానల్స్ లో ప్రోగ్రామ్స్ చేస్తున్న లాస్య మరోపక్క తన పేరిట యూట్యూబ్ ఛానల్ ఓపెన్ చేసి తనకు సంబంధించిన పలు అప్డేట్స్ ను తన అభిమానులతో పంచుకుంటూ ఉంటుంది. సోషల్ మీడియాలోను తెగ సంద‌డి చేస్తూ ఉంటుంది లాస్య.
తాజాగా లాస్య ఆసుప‌త్రిలో అడ్మిట్ అయింది. స్పెషలిస్ట్ ల పర్య‌వేక్షణలో ఉంది. లాస్య భర్త మంజునాథ్ ఆసుప‌త్రిలో లాస్య చికిత్స పొందుతున్న ఫోటోని సోషల్ మీడియాలో షేర్ చేస్తూ.. త్వరగా కోలుకోవాలని ఆశిస్తున్న‌ట్టు కామెంట్ చేశాడు. ఇక బెడ్ పై ఉన్న లాస్యకు వరుసగా సెలైన్ ఎక్కిస్తున్నట్టు కనిపిస్తోంది. కాని అసలు లాస్యకు ఏమైంది అన్న వియాన్ని మంజునాథ్ వెల్లడించలేదు. దీంతో యాంకర్ లాస్యకు అసలు ఏం జరిగింది ? ఆమె ఎందుకు హాస్పిటల్లో జాయిన్ అయింది ? అంటూ ఆమె గురించి ఆమె అభిమానులు వాకబు చేస్తున్నారు.
నిజానికి ఆమెకు జ్వరం వచ్చిందని, వైరల్ ఫీవర్ కావడంతోనే హాస్పిటల్లో జాయిన్ చేశారని ప్రచారం జరుగుతోంది. మ‌రి ఇందులో ఎంత నిజం ఉంద‌నేది లాస్య కానీ, ఆమె భర్త కానీ క్లారిటీ ఇస్తే కానీ తెలియ‌దు. అభిమానులు, శ్రేయోభిలాషులు లాస్య త్వరగా కోలుకోవాలని సోషల్ మీడియా వేదిక‌గా కామెంట్స్ చేస్తున్నారు. యాంకర్ లాస్యకు ఒక కుమారుడు ఉన్నాడన్న సంగతి తెలిసిందే. ఆమె లవ్ మ్యారేజ్ చేసుకున్న విషయాన్ని కూడా బిగ్ బాస్ లో స్వయంగా రివీల్ చేసింది. ఇంట్లో వాళ్లకు తెలియకుండా పెళ్లి చేసుకున్నానని, ఆ తర్వాత ఆర్థిక పరిస్థితుల కారణంగా రెండు సార్లు అబార్షన్ చేయించుకున్నానని చెప్పి షాక్ ఇచ్చింది. ఇక పిల్లలు పుట్టరని బాధపడే తరుణంలో తనకు మగబిడ్డ పుట్టాడని చెప్పింది.
